今篇blog主要同大家分享下我係沖繩買左咩食得的野, 護膚品&化妝品全日本都買到 唔係沖繩的blog講啦, 唯獨是好多零食都係沖繩限定的,所以同大家分享下! (好多零食臨食的時候隨手影 都影得麻麻地,有D仲食完唔記得左影相 請見諒!) 首先分享係Naha Main Place入面個間沖繩連鎖超市SAN-A買的野啦 Nambo牌的塩ちんすこう,即係雪鹽餅,280円, 呢隻雪鹽餅係沖繩既特產, 比酒店篇 (DoubleTree by Hilton Hotel Naha) 酒店送個隻長條型的雪鹽餅好食! 男友非常鍾意食呀,仲話下次再黎沖繩一定要買佢返香港派街坊做手信添! Glico的紫薯粒,1600円,買左2盒, 幾硬下呢D紫薯粒, 岩哂送比有"牙力"的好友們。 Pretz 沖繩黑糖味百力滋,700円, 另一面係米奇老鼠的圖案, 最岩送比熱愛迪迪尼的朋友。 紫薯味蝴蝶酥,580円, 無乜特別,無乜紫薯味, 唔買都唔會可惜。 Abaya牌的百力滋,有黑糖味、旨鹽味、紫薯味,各336円, 旨鹽味好咸好正! 紫薯味好濃烈! 黑糖味甜中帶苦,但男友鍾意Pretz個隻,因為無咁甜! 我覺得唔會比Pretz的百力滋差! 紫薯味的Kitkat,800円,買左2盒, 我覺得好甜,嗜甜的人可以買黎試下! Glico的菠蘿味Collon,600円,買左2盒, 菠蘿味好濃,又幾特別,推薦大家買番條。 くらしモア牌的腐皮烏冬,85円, 日清兵衛牌的腐皮烏冬,138円,買左4盒。 買左兩款腐皮烏冬黎比較下, 無論係烏冬同塊腐皮都係香港常見的日清兵衛好食D, 當時見兵衛係香港759阿信屋絕跡左好耐, 於是帶左3個兵衛番香港 :P 烤雞串 醬油味,248円。 要叮熱先食得, 味道唔錯,但係口感比較嚡。 烤雞串 鹽味,248円, 同醬油味一樣,都係叮熱先食得, 男友覺得鹽味賣相吸引D, 呢兩包雞串當然冇街邊D串燒咁好食, 但係零食黎講就正嘅,但就貴左D! 以下係男友買的一堆即食腸! 迷你莎樂美腸,280円, 好正,細細條,食下食下就食哂成包啦。 以下係國際通間驚安の殿堂買的~(即食腸仲未介紹完) 煙燻腸仔, 味道一般,口感比較硬。 迷你莎樂美腸,348円 幼煙燻腸仔,348円, 呢個好juicy,值得買黎食下。 煙燻豬肉片,298円, 味道普通,口感硬。 (~即食腸/豬肉終於講完~) 芝士丸, 每次去日本都鍾意買即食芝士丸黎食, 便利店&買零食的地方都好常見! 卡樂B的Jagabee 牛油&醬油味, 呢隻味係我食過咁多隻Jagabee之中覺得最正, 咸中帶甜,食完一包又一包, 雖然香港都有得賣 但唔係時時都見到, 於是就買左D番香港! Market O 的Real Brownie,198円, 呢盒野查實係韓國零食黎, 但男友話個排係香港好少見, 平過香港, 而且佢又好想食, 於是佢就買左啦...... 想知我係機場買左咩零食,可以睇番冬日非自駕沖繩遊 Day5 (那霸機場有咩好買?) 想知我地係御菓子御殿買左咩手信, 都可以睇番冬日非自駕沖繩遊 Day2b (Local Tour,美麗海水族館,御菓子御殿) 沖繩的blog終於打完啦, 下篇會同大家分享我的西歐5國Grad Trip, 請大家密切期待! --------------------------------------- 想收到個blog最新update 記得like Facebook Page https://www.facebook.com/fatbjai.travel/ 其他文章: 冬日非自駕沖繩遊 酒店篇 (DoubleTree by Hilton Hotel Naha) 冬日非自駕沖繩遊 Resort篇 (Kafuu Resort Fuchaku Condo Hotel) 冬日非自駕沖繩遊 Day1a (內附5日行程,港龍) 冬日非自駕沖繩遊 Day1b (Naha Main Place,屋台村,第1日就唔見野?) 冬日非自駕沖繩遊 Day2a (Local Tour,古宇利島,屋我地大橋,備瀨福木林道) 冬日非自駕沖繩遊 Day2b (Local Tour,美麗海水族館,御菓子御殿) 冬日非自駕沖繩遊 Day2c (Local Tour,萬座毛,掛上英殖香港旗的餐廳?) 冬日非自駕沖繩遊 Day3a (浮潛, 慶良間諸島) 冬日非自駕沖繩遊 Day3b (第一牧志公設市場,國際通,沖繩料理) 冬日非自駕沖繩遊 Day4a (首里城,那霸去恩納,利木津巴士) 冬日非自駕沖繩遊 Day4b (恩納必食餐廳,海葡萄蓋飯,琉球之牛) 冬日非自駕沖繩遊 Day5 (那霸機場有咩好買?) 冬日非自駕沖繩遊 有咩手信買?