我地今次去布吉買的野唔算多, 有D野係番到香港 臨食之前先至求其影張相, 有D甚至唔得左影相添 lol 所以有D相影得衰請多多見諒! (當時匯率大約係1hkd=4.33thb) 化妝潤膚品篇 唔駛去英國,黎泰國都買到Soap and Glory啦! 我地係Jungceylon的Boots掃左4件Soap and Glory的產品。 Soap and Glory好出名的hand cream,佢叫做Hand Food, 帶有甜甜的糖果香味,而且好滋潤! 產品標榜查完唔油膩,呢樣我都同意,潤得黎唔會立痴痴。 成份包含乳木果、堅果油&棉花糖。 呢個係磨沙膏,佢個名叫做The Scrub Of Your Life, 佢個香味同Hand Food一樣, 用完個身好香好滑。 呢個係眉產品,叫做Archery DIY Brow Bar。 左上係蠟質黎,用螺旋刷沾D蠟掃落眉毛度,眉毛就會即刻整齊番,唔會飛黎飛去。 左下係帶有珠光的膏狀highlighter,用黎highlight眉骨。 右面係兩色眉粉。 呢個產品係一個好正的畫眉工具,當時一見到諗都無諗就買左,最鐘意係個膏狀highlighter! 呢個係液體的highlighter,非常之香,佢叫做Hocus Focus, 隻色好珠光,可以溝埋D粉底黎用。 產品標榜係用黎分散粗大毛孔、皺紋、膚色不均的注意。 我地係Jungceylon的Watsons買左Srichand的產品, Srichand係泰國有超過70年歷史的化妝品牌子, 最出名的產品就係呢個透明碎粉Translucent Powder。 除左個包裝好靚之外,D粉真係好幼滑,而且都好控油。 我仲買左佢的控油面膜粉Original Scented Powder, 但我仲未開黎用過haha 使用方法可以睇https://www.youtube.com/watch?time_continue=8&v=i0v0in_oseU Jungceylon的Beauty Cottage買左香水膏,叫做Victorian Romance Memories of Love Solid Perfume。 Beauty Cottage亦都係一個泰國化妝品牌子。 呢隻香味網上話同Chole同名的香水味一樣, 我無特登去對比下,但呢隻Victorian Romance的香味清清淡淡,好有Chole香水味的style! 另外都唔好錯過Boots買到的牌子 Wet n Wild, 係美國drug store的牌子, 好多人都讚Wet n Wild的眼影粉質好, 我都買左盒黎試,完全無後悔, 好上色,拎黎旅行用好方便! 食物篇 Chocolate Coconut Crispy Rolls Cocoa Dip 呢個係布吉機場買,非常好食,濃濃的朱古力味! 佢仲有好多唔同的口味,鐘意椰子脆卷一定要買黎食! $215THB,約$51港紙。 椰子糖 呢個都係布吉機場買,個陣想用埋身上的錢,所以買左包椰子糖, 我覺得麻麻地。 $50THB,約$12港紙。 Tamarind Soft Candy 呢個係AirAsia飛機上買的, Tamarind,中文叫做羅望子,或者酸子。 呢個糖表面係酸粉,入面的甜的軟糖, 口感似似地能得利, 酸酸甜甜好好食! Mango Chips 呢個係Big C Extra買的芒果脆片,又平又好食,好脆又有芒果味! Banana Chips 呢個香蕉脆片都好食,但我鐘意芒果脆片多D! 我地仲係Big C買左D 芒果乾, 味道麻麻地,價錢好平,係透明包裝,我建議大家唔好買啦。 Coconut Toffee 椰子奶糖 我地仲買左芒果味,我覺得兩隻味道都麻麻地, Mitmai - Mangosteen Candy 山竹糖 除左椰子糖,我地仲係Big C買左山竹硬糖,我覺得好食過D椰子糖! 男友仲買左芒果味的。 小老板紫菜 明明香港都有賣,但去泰國都引唔住買黎食! 必買的香蕉味Pocky! 林真香脆雞卷 男友覺得佢咸咸甜甜。 林真香脆豬肉卷 口感硬堀堀咁,同脆雞卷唔同,佢剩係得咸味。 男朋友係Boots買的瘦身飲品, 入面係一包包粉,沖凍水飲, 男朋友形容味道好泰國 (即係點呢?) 追問之下,其實似香茅&檸檬味。 至於效果如何呢?由於男友好少沖黎飲,所以有無效就唔知啦! 其他篇 幫朋友係Starbucks買的公仔, $750THB,大約$160HKD。 仲有之前提及過係Jungceylon的小店Island Girls, 買左2條裙&1頂帽,都好有度假feel! 詳睇:去布吉玩 之 #7(芭東海灘,水上拖傘,椰子殻雪糕,Jungceylon) 其實買食的野最多,我係一個唔鍾意買紀念品的人, 買野食做手信好似最實際haha --------------------------- 想收到個blog最新update 記得like Facebook Page https://www.facebook.com/fatbjai.travel/ 其他文章: 去布吉玩 之 #1(AirAsia,徒步行去酒店,兌錢,電話卡) 去布吉玩 之 #2酒店篇(Marina Express Aviator Phuket Airport,Call車app) 去布吉玩 之 #3酒店篇(Anantara Mai Khao Phuket Villas) 去布吉玩 之 #4酒店篇(Anantara Mai Khao Phuket Villas 2) 去布吉玩 之 #5(Flying Hanuman玩zipline,Jungceylon) 去布吉玩 之 #6(舊城區,Thalang Road,布吉菜) 去布吉玩 之 #7(芭東海灘,水上拖傘,椰子殻雪糕,Jungceylon) 去布吉玩 之 #8(邁考海灘Resort區有咩食?超抵食餐廳推介!) 去布吉玩 之 #9(泰國必買手信,購物分享,戰利品) 去布吉玩 之 #10(布吉機場,Coral Executive Lounge,AirAsia)