Mai Khao beach (邁考海灘) 附近有好幾間resort酒店, 除左我地住個間Anantara Mai Khao Phuket Villas 之外, (詳睇: 去布吉玩 之 #3酒店篇(Anantara Mai Khao Phuket Villas)) 仲有Anantara Vacation Club Mai Khao Phuket, JW Marriott Phuket Resort & Spa, Marriott's Phuket Beach Club, Marriott's Mai Khao Beach - Phuket, Renaissance Phuket Resort & Spa 等等。 我地係度住左4晚,係附近都食左好幾間餐廳, 由平價到貴價都有! 之前介紹過Anantara的La Sala,Infinity 可以睇番: 去布吉玩 之 #4酒店篇(Anantara Mai Khao Phuket Villas 2) 今次會介紹JW Marriott 的兩間餐廳,及超抵食可外送的平民餐廳。 ------------------------------- Day2我地去左JW Marriott Phuket Resort & Spa的Siam Deli食lunch, 地址:231 Moo 3 | JW Marriott Phuket Resort & Spa, Mai Khao, Phuket 83110, Thailand 因為JW Marriott就係我地住的Anantara Mai Khao Phuket Villas附近, 所以我地可以踩單車去JW Marriott,或者叫酒店用高爾夫球車車我地去。 Siam Deli的門口 photo from: http://pointmetotheplane.boardingarea.com/2014/11/24/trip-report-jw-marriott-phuket-thailand/ Siam Deli除左係間餐廳之外,仲會賣麵包&泰國食品。 我身後遠處就放左D泰國食品。 男友身後就擺放左D麵包。 我地叫左杯smoothie消下暑 叫左碟金邊粉 豬頸肉糯米飯 埋單連服務費總共$1023.99THB,約$240港紙, 酒店黎講價錢都算係咁, 唔想搭車出去食的話, 近近地黎呢間食都幾化算,食物質素不過不失。 --------------------------------------- Day4的晚上我地再次黎到JW Marriott食野, 今次去的餐廳係Ginja Taste。 地址:231 Moo 3 | JW Marriott Phuket Resort & Spa, Mai Khao, Phuket 83110, Thailand Ginja Taste的門口 當時室內已經滿座,所以我地被安排坐室外。 室外係對住個沙灘,但夜晚漆黑一片,咩都睇唔到, 我諗傍晚黎呢度食 睇住個日落應該會好靚! 我地叫左杯Sangria,係西班牙的水果酒。 我地叫左咖哩蝦 係配糯米飯 呢個唔記得左係咩肉黎啦,剩係記得係好食lol 呢碟餸會配4種調味料。 埋單連服務費總共$1765THB,約$412港紙, 呢間係貴D,但D野食係值個個價錢。 --------------------------------------- Day5的晚上我地係resort唔知食乜好, 係Tripadvisor 見到邁考海灘排名第2的餐廳Kin Dee Restaurant有外送服務, 於是我地膽粗粗就試下叫外賣啦。 地址:71/6 Mu 5 Hin Look Diew Village | Mai Khao Thalang Phuket, Mai Khao, Phuket 83110, Thailand 網址:http://www.kindeerestaurant.com/en/food-delivery.html 我地睇餐廳個網諗好食咩 就whatsapp間餐廳落單啦! 然後我地就去resort門口度等佢 然後拎外賣番villa食啦。 我地叫左芒果糯米飯$120、蒸白飯$20、炸魷魚$180、馬沙文咖喱雞(Massaman curry)$200、蟹肉炒飯$120、椰子雞湯$120。 總共$790THB($20應該係服務費),約$184港紙,超級抵食!! 椰子雞湯係咁多碟之中最正,湯非常好飲,好香椰子味,雞索左D雞湯好好食,推介大家叫呢個。 馬沙文咖喱雞都好香,馬沙文咖喱係唔辣的,鍾意食辣的男友都覺得好食! 總括黎講每樣都好好食,成個trip最抵食就係呢餐! --------------------------- 想收到個blog最新update 記得like Facebook Page https://www.facebook.com/fatbjai.travel/ 其他文章: 去布吉玩 之 #1(AirAsia,徒步行去酒店,兌錢,電話卡) 去布吉玩 之 #2酒店篇(Marina Express Aviator Phuket Airport,Call車app) 去布吉玩 之 #3酒店篇(Anantara Mai Khao Phuket Villas) 去布吉玩 之 #4酒店篇(Anantara Mai Khao Phuket Villas 2) 去布吉玩 之 #5(Flying Hanuman玩zipline,Jungceylon) 去布吉玩 之 #6(舊城區,Thalang Road,布吉菜) 去布吉玩 之 #7(芭東海灘,水上拖傘,椰子殻雪糕,Jungceylon) 去布吉玩 之 #8(邁考海灘Resort區有咩食?超抵食餐廳推介!) 去布吉玩 之 #9(泰國必買手信,購物分享,戰利品) 去布吉玩 之 #10(布吉機場,Coral Executive Lounge,AirAsia)