上篇介紹左Anantara Mai Khao Phuket Villas間villa有幾正, 去布吉玩 之 #3酒店篇(Anantara Mai Khao Phuket Villas) 今次就講下早餐、餐廳、泳池、沙灘&係酒店做Thai Massage! 早餐方面 酒店早餐係La Sala餐廳,圖入面右面個座建築物就係La Sala啦。 有室內的座位 亦都有室外, 可以欣賞荷花池。 4日早餐,我每日都會拎椰青黎飲, 因為香港D餐廳成幾十蚊一個椰青, 要係布吉飲番夠本! 點擊圖片放大 +2 早餐的食物種類好多,每日都食左唔同的野! 有時侍應會拎住D特製飲品問你試唔試下! 呢間酒店的早餐真係好正!暫時食過最正的酒店早餐! ---------------------------- 酒店餐廳 我地Day2個晚黎左La Sala食晚飯, 我地坐低睇左陣menu 猶豫不決唔知揀咩好的時候, 侍應就同我地講有枱客人cancel左booking, 但廚師準備左好多食材, 佢話比個優惠價我地食個set, 有好多海鮮咁話。 男朋友聽到就心動,然後話好。 首先就係頭盤, 好似酒店afternoon tea的架, 入面放左D炸魚餅、炸蝦餅、炸春卷、串燒等等, 好似點jack,有4款醬比你點! 老老實實,食完頭盤都飽飽地! 餐廳私人醒左杯野飲比我地。 另外侍應們都好nice好多野講, 格離有枱西人客人仲同侍應玩傾得好開心! 冬陰功湯 青咖哩龍蝦! 帶子 唔記得呢碟咩黎,剩係記得最好食係呢碟! 我最鍾意食的芒果糯米飯! 個肚已經飽到傻,但見到芒果糯米飯點都要食多兩啖先! 成餐好豐富!我覺得岩3個人食,兩個人太飽啦! 埋單連服務費係$4472.6THB,約$1033港紙。 ---------------------------- 酒店泳池&沙灘 我地day5都係留係酒店嘆, 所以去左泳池同沙灘玩! 今日天氣唔係咁好, 超大風,大風到太陽傘都要收。 坐係泳池望出去的景, 個天好多雲。 泳池旁的餐廳侍應比左杯野飲我地。 D沙灘椅都放左Infinity餐廳的menu, 我地叫左個burger做lunch, 埋單連服務費係$576.73THB,約$133港紙, Order完,侍應就會送餐過黎比你。 食完野我地就去沙灘行下, 酒店近Mai Khao Beach 邁考海灘, 係布吉最長的海灘,但好少遊客會去的海灘。 我地行到去Marriott’s Phuket Beach Club酒店前的位置, 有個掛係樹上的韆鞦。 沙灘大浪到都唔敢行近個海。 身後就係Marriott’s Phuket Beach Club酒店 Marriott’s Phuket Beach Club酒店前面都有D設施比遊客沖下腳。 沙灘沿途都有好幾檔按摩的小店,類似下圖咁 photo from https://www.tripadvisor.co.nz/LocationPhotoDirectLink-g293920-d1149585-i39933715-Mai_Khao_Beach-Phuket.html 價錢比酒店平好多! 我叫男友去試下,但佢都唔肯。 ---------------------------------- 酒店做 Massage 細個同屋企人去泰國, 見到大人揼骨揼到好舒服, 細個個陣都已經想試下, 而家大個女黎泰國緊係要揼下骨。 有諗過係芭東個邊揼骨,價錢平D 但我地無乜時間, 所以就係酒店度揼啦。 有好多唔同的spa同massage揀, 我最後揀左Traditional Thai Massage (90分鐘) Massgae之前係接待處度等陣, Staff比左杯野我飲&比左份表我填, 大約係揀有邊個位置你想按摩師重點按摩, 有邊個位置你想skip。 然後就帶我去一間好泰式的屋仔度做massage。 入面有更衣室換衫, 換完衫就開始massage啦! 首先就浸腳, 浸腳的同時按摩師會問你想揀邊種音樂。 之後就上按摩床開始揼骨啦。 呢90分鐘由頭到腳指尾每個位置都被按摩師捏過, 舒服到就快訓著。 但有D位置D肌肉太硬,所以會覺得痛, 但做完massage 全身都好鬆,好舒服! 做完按摩 就比左杯薑茶我飲 埋單連服務費係$4119.5THB。 遲D講下酒店附近有咩野好食! 請睇:去布吉玩 之 #8(邁考海灘Resort區有咩食?超抵食餐廳推介!) --------------------------- 下篇會講Day 3我地去Flying Hanuman玩zipline & Jungceylon Shopping! 想收到個blog最新update 記得like Facebook Page https://www.facebook.com/fatbjai.travel/ 其他文章: 去布吉玩 之 #1(AirAsia,徒步行去酒店,兌錢,電話卡) 去布吉玩 之 #2酒店篇(Marina Express Aviator Phuket Airport,Call車app) 去布吉玩 之 #3酒店篇(Anantara Mai Khao Phuket Villas) 去布吉玩 之 #4酒店篇(Anantara Mai Khao Phuket Villas 2) 去布吉玩 之 #5(Flying Hanuman玩zipline,Jungceylon) 去布吉玩 之 #6(舊城區,Thalang Road,布吉菜) 去布吉玩 之 #7(芭東海灘,水上拖傘,椰子殻雪糕,Jungceylon) 去布吉玩 之 #8(邁考海灘Resort區有咩食?超抵食餐廳推介!) 去布吉玩 之 #9(泰國必買手信,購物分享,戰利品) 去布吉玩 之 #10(布吉機場,Coral Executive Lounge,AirAsia)