韓國首爾滑雪全攻略2014-如何選擇當地滑雪團local tour 韓國紅葉季節剛過去,話咁快首爾已經開始落雪,韓國近年已經成為東南亞滑雪首選地區,皆因價錢平,雪質好,滑雪村配套完善。作為Local Tour專家,Travel Fever當然會為你徹底分析選擇首爾滑雪團時要注意的事項,揀岩適合自己的滑雪團絕對會令你滑得安全又開心! 1. 首爾地區滑雪場分佈 一開始當然要搞清楚咁多個滑雪場既地理位置,如果你想即日來回,最好選擇距首爾車程一小時內的滑雪場,滑雪時間相對會較長。而對於超新手來說,滑雪場的雪道同配套有幾高級,基本上暫時都未關你事,建議選擇一些比較近的滑雪場學好滑雪技術再挑戰各滑雪場的獨特滑雪道。 滑雪場 2014開放日子 距離首爾車程 -龍平滑雪渡假村 (YongPyong Resort) 13/11/2014 約2.5小時 -鳳凰公園滑雪渡假村(Phoenix Park Resort ) 13/11/2014 約2小時 -High 1滑雪渡假村 (High 1 Resort) 14/11/2014 約 3 小時 -洪川大明滑雪渡假村/大明維瓦爾第(Daemyung Resort/Vivaldi) 14/11/2014 約30分鐘 -現代星宇渡假村(Welli Hilli) 14/11/2014 約45 分鐘 -Alpensia 滑雪渡假村 22/11/2014 約 3 小時 -茂朱度假村 22/11/2014 約3.5小時 -江村度假村 22/11/2014 約1小時 -陽智Pine渡假村 30/11/2014 約40 分鐘 -奧麗渡假村(Oak Valley) 30/11/2014 約2小時 -芝山滑雪場(Jisan Resort) 30/11/2014 約40 分鐘 -昆池岩渡假村(LG KONJIAM) 30/11/2014 約1小時 -熊城度假村 30/11/2014 約1小時 -思朝滑雪渡假村(Eagle Valley) 13/12/2014 約2.5小時 2. 如何選擇適合自己的滑雪團local tour? 坊間韓國滑雪團多得有如恆河沙數,相信已經睇到大家頭昏腦脹,唔知點揀。其實滑雪團主要分3大類,分別係「體驗滑雪」,「滑雪教學」及「滑雪場交通+住宿Package」,詳情可以睇下下表,選擇適合自己既Tour。 滑雪團類型 特色 適合人士 優點 缺點 相關Local Tour 體驗滑雪 - 純綷體驗,教學時間約30-60分鐘- 教授基本滑雪技巧 - 通常隨團有一位教練+助教 - 希望純綷體驗一下滑雪樂趣 - 價錢相宜- 一日可以去兩個景點 - 教學時間短- 教練:學員人數比例高,教練未必可以照顧個人需要 - 多數是英語或普通話教練 韓國滑雪(陽智Pine度假村)利川溫泉一日遊 滑雪教學 - 由合資格滑雪教練教授滑雪技巧- 教練:學員人數比例低,教練有足夠時間及機會單對單指導 - 教授時間長達3.5小時,可以慢慢學習及發問 - 希望學習滑雪或SNOWBOARD - 超長時間滑雪教學- 教練有機會及時間單對單指導 - 廣東話教練 - 可以選擇SKI或SNOWBOARD -價錢比一般純綷體驗滑雪團貴一點 韓國芝山滑雪教學一日遊(廣東話教授) 韓國芝山Snowboard滑雪教學一日團(廣東話教授) 滑雪場交通+住宿Package - Package提供來往滑雪場交通、住宿、裝備租借及SKI PASS - 行程時間自由安排- 有2日1夜至5日4夜行程以供選擇 - 不需隨團教練指導- 希望有更多自由時間 - 可以預約私人教練,或即場在滑雪場聘請教練- 有最多自由時間 - 可以自由安排行程 - 沒有導遊跟隨 3. 滑雪團報名注意事項 睇完前段,相信大家對韓國滑雪團已經有基本概念,不過正所謂「魔鬼在細節」,大家都係一日團,行程細節上都可以有好大出入,大致要留意以下5點: A. 教學語言 政府都有話「母語教學,靈活貫通」,呢句說話放喺學習滑雪絕對適用,用返自己熟悉語言去學習滑雪一定最有效。但老實講,韓國旅遊市場主要客路係大陸遊客,好多滑雪團都係以普通話教學,又或者係韓籍英語教練搭配普通話助教。大家報滑雪課程亦都要考慮教學語言問題,要問清楚教練係以邊種語言教學。 B. 一團人數上限 小編聽過有出名的滑雪團,高峰期是每一日出一團300人到同一個滑雪場,而全團只有一位教練,如果你只想體驗在雪地行走當然沒有問題,但如果你想認真學習滑雪,便需要注意每一團的人數上限和教練數目 C. 教學時間 大家都係滑雪一日團,「體驗滑雪」同「滑雪教學」其實係有好大差別!體驗滑雪團只會於滑雪前講解一些非常基本的滑雪知識,一般只有30-60分鐘,遇著一團300人的情況,有問題也難以發問; 而滑雪教學一般都有3小時以上的教學時間,基本上由滑雪裝備到技巧都會仔細教導,教練仲有機會親自指導,所以報團時記住問清楚! D. 教練是否持有合法滑雪教練資格 此點相信不需要多作解釋,雖然冇教練牌教學唔係犯法,但跟個有牌教練學滑雪,質素始終有保證!請注意,坊間大部分體驗團都係導遊兼教,一分錢一分貨是永恆的真理,記住衡量清楚。 —————————————————————– 資料來源:自遊狂熱-全球特色local Tour專家 我們的WEBSITE: http://www.travelfever.com.hk/ 我們的Facebook 專頁: https://www.facebook.com/travelfever.com.hk Copyright © 2011-2014 TravelFever. All rights reserved.