去過中國大陸旅行嘅朋友都會知道,如果只跟著景區玩,你見識到的只有人潮和13億人的威力 (當然凡事都有例外,例如九寨溝便是其中一個小妹認為人多也值得去的景區,不過四川並不是今次遊記重點,下次有機會再研究)。今次東北遊小妹與朋友就選擇了一般旅行團都不會去的路線,就係徒步入雪鄉!事實證明這個真的是非常明智的決定; 景靚、人少、完全沒有被宰的感覺。 更多呢個LOCAL TOUR DETAILS: http://goo.gl/FN5wrC 我們的Facebook: https://www.facebook.com/travelfever.com.hk Day 1 行程: 哈爾濱 – 東升 一早由哈爾濱出發,未去到東升,司機叫我們下車看看,原本睡得惺忪的我們下車一看就不得了!!!原本這是一個水庫,冬天水結冰舖滿雪就成了一片一望無際的白茫茫雪地!旅程一開始就影到得返一半電(唉,去東北旅行,自己唔保暖都要暖住架相機,如果唔係影2張就冇哂電)。 去到東升喇,原來係一個好細好寧靜嘅村落,放低個袋就出去周圍影相,東北地區下午4點左右就開始日落天黑,唔夠5點就返hostal食飯喇,五湖四海嘅朋友圍埋一齊食飯真係幾開心!有2個人岩岩喺漠河遊玩完回來,佢哋話北極村得返零下50度,覺得東升零下20度好溫暖!!!Oh My God!真係想像唔到零下50度係點樣嘅一回事…食完飯大家一齊出左去雪地玩CAMP FIRE,仲有煙花放!好WARM 呀~!! Day 2: 東升林場--穿越到雪鄉 今日到重頭戲 – 徒步入雪鄉! 大家一早七點已經整裝待發,影完合照就出發喇~ 仲有狗狗送行tim~ 我承認自己真係好無聊,特登由香港帶支溫度計去旅行 :P 成個穿越從東升到雪鄉約15公里,上升高度800米,最高點羊草山海拔1200米。15公里聽落好長,但其實行得好舒服,成條路都係雪,沿途都超級靚!一路行一路影相,好快就到左山頂。 我做錯左一個決定,就係著左5條褲去行山!!!雖然朝早真係好凍,但行左唔夠一個鐘就熱到出哂汗…==” 去到山頂喇!好大片雪地! 真係好鐘意呢條路,一抬頭就望到藍天白雪 由羊草山山頂行落雪鄉大約要1.5-2小時,而走到了雪鄉景區後,我們決定早早入睡,因為實在人多得沒有心情遊覽,再者,過度商業化嘅景點真係唔係我哋杯茶。 ___________________ 資料來源:自遊狂熱-全球特色local Tour專家 我們的WEBSITE: http://www.travelfever.com.hk/ 我們的Facebook 專頁: https://www.facebook.com/travelfever.com.hk Copyright © 2011-2013 TravelFever. All rights reserved.