呢間酒吧除左可以HAPPY HOUR外, 仲有串燒食架, 咁又唔錯喎............(友人A同我講) 由於時間尚早, 入到去未見太多客, 深啡色梳化坐起黎都幾舒服, 播住熟悉歌曲, 比人一種放輕鬆感覺 廚師係入面燒串燒, 唔怕油煙味會整到客人成身味, 非常好呀 :) 餐牌上包括肉類, 海鮮類及蔬菜類串燒, 價錢望落幾親民, 食物仲可選擇唔辣/要辣 落左單後就等食, 等食之餘除左可以吹水外, 鐘意仲可以跟住螢幕一齊唱, D歌超岩聽! 一夜干 ($48) - 呢個燒至乾身魚干條, 口感香脆又濃味, 配上沙律醬一齊食超好味! 份量再多D就好啦(HEEE..HEEE..) 明太子鷄翼 ($18/隻) - 漲卜卜鷄翼燒至金黃色, 內有惹味明太子, 味道帶點辛辣, 啖啖肉正呀!! 串燒拼盤一齊上, 點可以唔叫嘢飲呀?! Asahi ($32) 同 Orange Squash ($58), 酒精同MOCKTAIL一齊上, 各色其式啦! 椒串牛柳 ($26/串) - 一串以青椒洋蔥作配菜牛柳, 牛柳粒唔細舊, 面頭灑上黑椒粒作調味, 咬落仍然有肉汁在內, 肉質帶少少嚼勁! 燒牛舌 ($22/串) - 肥美嫩滑, 厚薄適中, 食到幾香牛舌味! 大蔥鷄串 ($22/串) - 大蔥段燒至甜味出晒黎, 鷄肉大大舊食落夠嫩滑, 性價比相當高! 燒鷄腎 ($22/串) - 燒得夠乾身, 鷄腎食落夠爽脆! 燒大尤筒 ($24) - 呢客比較濕口, 配上醬汁尤魚塊口感幾彈牙! 特大蒲燒鰻魚 ($88) - 真身果然夠晒大條, 以蒲汁燒至皮香肉嫩, 若然再燒至乾身少少, 皮變得更香脆就仲好食! 欣賞佢呢度串燒一燒好就即刻送上比客人, 熱度夠晒, 調教味道幾唔錯, 食完都唔算好口渴, 下次想食串燒, 我知去邊到啦! Lava燒 : 太子西洋菜北街320號地舖 contact me : gingerszeto@yahoo.com.hk