魏空少|護照要有半年有效期,先可以去旅行? 魏空少成日去旅行,自己既護照當然不止半年有效期喇。 之不過早前有朋友問魏空少,護照係咪要有半年有效期先可以去旅行。。。。 咁就真係考起我喇!!所以呢我就特別搵左D資料俾大家!!!! 出境: 去旅行,當然會出境同入境喇,而負責出境既就緊係香港入境處喇! 而根據入境處既查詢:”香港這邊是不會理會你的護照有限期,即使你還有一天到期也可以離境!!" 入境: 要入境其他國家,最直接就問領事館! 但原來日本、韓國等多個旅遊熱點,均沒有「六個月有效期」的規定。 日本領事館指,旅客只需在入境及出境時,出示有效護照。 韓國領事館亦指,旅客應出示回程機票,證明在護照到期前會離境。 英國領事館則指,在計劃到訪英國期間需確保護照有效。 加拿大領事館指,旅客護照在入境及獲准逗留期間需維持有效。 但咁多個唔同既國家,又點可以一個次過查閱各國既要求呢? 呢一點【國際航空運輸旅遊中心網站 IATA 】就可以幫到大家喇! 【國際航空運輸旅遊中心網站 IATA 】: http://www.iatatravelcentre.com/ 大家只要係IATA網站,輸入目的地;護照資料;出發日期及回程日期之後,便可以馬上知道結果。 其實有好多航空公司(包括國泰同港龍)都強烈建議乘客前往IATA既網站查詢目的地國家對護照有效期的要求!!!所以去IATA查左冇問題,就大可以放心出發喇!! 睇返資料,一般來說很多國家要求護照的有效期都只係介乎于3至6個月,而一般旅行社或航空公司都建議護照要有半年有效期,相信都係為安全起見。 因為若乘客護照有效期不符目的地國家的要求,航空公司係有權拒絕旅客辦理登機手續的!!! 所以呢魏空少就建議大家去多D旅行,咁大家咪可以成日check住自己護照的有效期咯!哈哈! ================================================== 》》即刻追蹤〔魏空少〕專頁,發掘更多實用旅遊資訊! [Yahoo!新聞] https://hk.news.yahoo.com/-002223029.html [熱新聞專欄] http://yes-news.com/?p=thepeople&blogid=594 [UBlog] https://blog.ulifestyle.com.hk/blogger/fakefahk/ [FB FansPage] https://www.facebook.com/IM.FAKE.FA [EMAIL] fakefahk@yahoo.com.hk ==================================================