今次分享一下最近學車 大約2018年4月尾報了考自動波私家車合併, 費用為$510, 排期5月尾就考筆試, 而我是自己報名自己找師傅學車, 筆試預返一個星期溫書, 你報名的時候會有一本黃色書仔, 入面有齊晒駕駛的標記及規例等等, 我就成本睇左1-2次, 再做App Test, 以防萬一, 其本上留返1-2日溫書, App最好全部岩就萬無一失, 考筆試當日會入一間房, 入面有好多部電腦, 俾左D資料他們就安排去一個電腦位開始考試, 20題MC只可以錯4題, 做完之後出去等一陣就會有成績睇, 會知道合格或不合格, 再會有考路試的時間日期和路線 因為我考2月中, 直至到9月,10月我才開始問朋友介紹師傅, 約定預留時間給你上堂, 我就找了林師傅, 是朋友介紹就一定無問題, 因為知道上課質素, 行為性格, 清楚少少較好, 不過都係人夾人…然後, 自己申請埋學牌, 費用為$548, 即日去排隊就有得取, 大約半小時內可以搞掂視乎多唔多人等, 約左林師傅當日收我$260/45mins, 全部都係45分鐘為一堂, 但通常都會上2堂, 1.5小時, 他就收了我一次過$2600, 其實可以問下每堂咁收錢, 不過我就冇, 第一堂: 一開始約左係樂富等佢, 佢就車左我去九龍塘先開始教我, 佢都幾好聲好氣, 講解算清楚, 未開始前會同我傾下閒計, 正式開始, 咁教左我車上面D野點用介紹一下每樣野用法等等, 無幾耐就會同佢轉位, 我坐司機位佢就每個步驟聽住佢講咁做一次, 較鄧, 較鏡, 之後試下踩下腳踏拎個感覺, 點樣揸軚盤等等, 一開始覺得係停車下未落手制咁踩腳踏俾油, 原來好敏感, 好輕力都去到30幾km, 師傅話一開始行住10幾km睇下個力度去到邊先, 然後開始記住一D step, 例如開車前要踩住brake先較D波, 再望晒鏡冇人就先落手制開車, 停車就係拉手制較波等等, 然後就開始尾半個鐘可以揸車,好快就可以喇~有少少緊張~不過師傅會一直睇實你, 幫你揸埋軚盤, 行直線同兜圈..今次拎下踩腳制個FEEL..好快就落堂.. 師傅都有返咁上下年紀, 教左3,40年車, 經驗一定有返咁上下, 佢可能對住女仔會態度好D, 唔會好惡話你用D難聽既反問式咁, 係講解你知等你吸收個種, 所以每次都有改善既, 佢都會有讚下你, 不過我份人心急D, 係咁問佢之後既野, 佢就會話返我你岩岩先第1堂, 唔好去諗之後既野影響你而家學緊既野, 慢慢黎~所以我相信佢~