箍牙日記更新 太耐冇更新, 3月30日去左覆診, 呢日我緊係食左野先去睇醫生啦, 但係食完野太多殘渣係D牙到, 上到去唔洗等就叫左我入去, 都冇時間浪口, 我話想刷1刷牙, 佢話拆左下排鐵線先去刷會好D, 刷得乾淨D, 真係太好 然後..等左好耐既犬齒仲未肯出黎, 咁今次換左下排較粗既鋼線之後, 上面就維持不變, 醫生就俾左2個方案我, 1係等多3-4個月自然出黎, 2係做手術拉隻牙落黎, 醫生話就算1同2都係最後結果都係冇分別, 2既話牙肉都唔會話少左, 佢建議緊係2, 因為時間快唔洗晒時間再等佢出黎, 如果唔係可能要等2年多先箍完牙, 所以我都想快D完揀左2, 咁當然都要俾額外收費啦, 大約5000-6500, 佢仲話可能你隻牙180度扭轉左, 仲要時間將轉返岩, 然後仲要可能牙受唔到咁大既力有機會壞死左隻牙, 佢決定幫我照多次X光同埋照多次3D X RAY, 最後照出黎好彩冇扭轉, 同埋牙既位置都好正中, 只要開少少肉應該都見到..我見到醫生都好開心好興奮..見到佢都好有心幫我, 我都好放心呀!! 跟住再約時間可以做個手術開牙肉既手術..遲D再報告下個過程係如何!!然後點樣安裝粒粒