人就係咁衰,有得瞓又唔瞓,無得瞓就成日話想休息,好掛住屋企張床。 晨早流流爬起身,聽完881既在晴朗的一天出發,肚子有點餓,係屋企搵嘢食。 乜都無,只有幾塊厚身麵包,其實可以就咁塗牛油食既。只是,在英國讀書時已食到怕怕,要將之『活化』,我才吃得下。 一於弄個簡單又美味的法式西多士Pain Perdu! 呢款麵包size剛剛好,不用裁剪。打好蛋,直接將麵包沾上蛋漿。 另一時間,以牛油起鑊,待牛油煮溶後,放入麵包,慢火煎香兩邊就可以。難度分是零。 最重要最重要最重要 (重要既事要講三次),是加入楓葉國老友海豚兒送來的楓糖,清甜而不過膩,配上法式西多簡直天衣無縫。 邪惡的黃金法式西多士,加埋楓糖,熱呼呼食一定正。 屋企沒有靚咖啡機,沖杯包裝馬來西亞白咖啡,同樣滿足!