韓國篇:黑豚家 – 炭火烤,極滋味

去首爾無理由唔食韓燒,但同行者不吃牛,怎麼辦?

無問題,有食烤豬肉的專門店架嘛。如這次,我們便來到黑豚家黑毛豬,吃一餐炭火燒的濟州豬。

幾旺場的店子,且看上去大部份是當地人,似乎有D料到。

可盤腿而坐,或者坐番正常枱椅,任君選擇。

桌面上已放有生菜,可讓客人配烤豚肉吃。將生菜包裹著,夾埋蒜子及洋蔥等同吃,感覺上無咁油膩。

柯打了五花肉、脊位及豬排,應該夠食了。由於餐廳好暢旺,店員都在忙碌,但都會問你自己識唔識燒。由專業人士代勞,當然更好,起碼火候控制會拿捏得準繩一些。五花肉肥瘦相間,燒出來脂香溢出。脊位也不遜,始終炭火燒特別香。仲有豬皮,膽固醇萬歲。

豬扒好大塊,但入口十分鬆化,夠入味,好好食。

熱辣辣燒住嘢,點可以無凍飲?挑來的烏龍茶,原來係罐裝。

好高水準的烤豚肉,絕不比燒牛肉遜色,強烈推介!

This entry was posted in 南韓, 韓國菜 and tagged , , , , , , . Bookmark the permalink.