食完泰菜,當地朋友提議去食雪糕,正中我下懷,筆者一定奉陪到底。 佢話呢間Cow & Moon,係佢心目中全悉尼最出色的,在小區竟有間咁巴閉既雪糕店,一於去會一會它。 見到排隊買雪糕既人龍,我知道呢間店唔嘢少,再上網睇番,原來係2014年世界Gelato冠軍,甚至擊敗悉尼名店Messina而奪冠,難怪!又其實,除左雪糕,這裡仲有蛋糕賣的,可惜我們剛吃了晚餐,再無食力。 不再年青,無謂夾硬食三、四球雪糕,吃完盞自己辛苦,要個細杯裝過下口癮便好。 眾多口味,令我的選擇困難症再度發作。最可惜的是,被嘉勉為世界第一的Mandoria Affogato,經已售罄,實在晴天霹靂。唯有要當地朋友推介的開心果,另加一款薄荷味。 雪糕質感是好的,始終澳洲出產牛奶,所以水準總不會差。薄荷味是意料之中的refreshing。開心果味道唔會假,味道不俗,但我覺我又不是超頂級咁誇張。 可能,是我的Expectation太高!