筆者唔賭錢,去澳門的活動,不外乎吃吃喝喝。 三點三,下午茶時間,腦海飄過一個我想去已久的地方,新鴻發。 問幾位團友,各位無異議,話「飲食」呢個題目放心交俾我,大家有得食便可。於是,大家汗流浹背的往新鴻發方向走去。 好好彩,剛巧有人離開,我們可以進佔六人大圓枱,唔使分枱,吃得更方便舒服。 點幾件芝士豬扒蛋菠蘿包,加兩份超厚西多,足夠有餘。 呢個菠蘿包,包身鬆脆,豬扒大塊,可是味道略淡口,同埋偏韌,還幸有炒蛋,以及芝士來彌補不足,但其實,稱不上很高水準。 大家的焦點,始終落於西多士。超厚身的出品,色澤金黃,炸得很好。加上大大片的牛油,唔食得都睇得,打卡岩晒! 用刀切開,中心是有層花生醬的。塗勻牛油,再加入大量的糖漿,外微脆內鬆軟,讓每口的西多都索到糖漿的甜,就是好。 團友說奶茶水準不錯,但我還是要杯凍菜蜜便是。 店家仲有一款名物,牛肉炒通粉,不過大家食力有限... 下次下次,下次大概可以~