遊客最常到的地方之一,Sydney Fish Market,首次到訪澳洲既我,應該要去見識下。 始終是個「景點」,即使是平日早上,亦人山人海,熱鬧非常。 整個魚市場,最多的不是生蠔,也不是什麼海鮮,更加唔會係海鷗,而是... 同胞!縱觀全場,八成以上在講國語,甚至不少店員是說煲冬瓜的。這個地方,早已被大陸人攻佔。 海鮮是便宜,規模與款式卻沒想像中震撼,或許是我期望過高。 外國有些地方的魚市場,係「海鮮價」,呢度明碼實價,來得公道。 市場內許多店鋪都有加工服務,眼見唔少祖國大豪客又龍蝦又鮑魚又帝皇蟹乜乜乜乜,非常奢華。 更巴閉的是,我親耳聽到他們會叫店員將生蠔煮熟,可憐的Sydney Rock、Pacific Oysters呀...... 筆者只隨意買了份海鮮拼盤作淺嚐。蝦肉是爽口,Sydney Rock個子小,但始終新鮮,海水味很重。 呢個地方,唔係好岩我,見識過便算。 想吃靚生蠔,我有好介紹,稍後再談!