澳洲篇:壹號海鮮酒樓 – 魚羊配

在朋友家住了幾天,其中一晚,佢話不如去屋企樓下的中菜試下?唔錯架!

我第一個反應:唔係呀Fa?!得唔得架?心想有一萬個黑人問號,不過最終還是跟他去了。

環境比預期中雅緻,比很多店人街的中餐館舒適。

甫坐下,店員立馬奉上一盅湯品,說是送的,可能是因為我朋友是VIP吧,雖然他矢口否認。

紅蘿蔔蓮藕湯清甜,肯定是沒加味精,完全是家常的味道,印象分即時大增。

三條友,就接店員推介,來個魚羊配的套餐,看是否真的夠鮮。所謂魚羊配,其實是羊腩煲,加灼魚的組合。講派頭的,可挑青衣或者星斑,但我們只是吃家常便飯,平平地來條盲鰽就可以。

看見成品,真估唔到只是屋苑的中菜餐館,師傅可有如此刀功。這樣的吃法,不諱言,我是首次。

羊腩煲與香港最大分別,是這兒注滿了湯。吃起來自然沒那麼香,但肉腩皮豐厚,肉質鬆化,唔怕硬轟轟,比想像中出色。加埋腐乳,絕對有助將味道幾何級提升。

套餐跟白飯和菜,蔬菜隨便俾,是晚的皇帝菜,像打邊邊般灼來吃蠻好。

白飯原來不是跟人頭逐碗上,而係一壺的拿過來,食幾多自己照顧自己。

連中菜都咁有水準,假如真的移民過來,都唔使擔心會掛念廣東菜。

This entry was posted in 中國菜 and tagged , , . Bookmark the permalink.