任點任食放題55折優惠❣ 皇家太平洋酒店「吃喝無限點」

雖然平時我最愛吃buffet,不過在近日武漢肺炎的疫情陰霾下,也很少再食自助餐,但最近發現皇家太平洋酒店柏景餐廳 Café on the PARK 將自助餐轉為任點任食的放題形式,55 折後每位成人連加一價錢低至$369.2,品嚐豐盛美饌的同時,亦可讓食客吃得更放心。

餐廳環境寬敞,而且座位亦比以前排得更鬆動,充滿空間感,坐得舒服自在,進入餐廳時會有員工替賓客量度體溫,所有餐廳員工均會配戴口罩,衛生程度更見嚴謹。

一坐低侍應就會立刻奉上凍海鮮拼盤及特選刺身拼盤乙客,凍海鮮拼盤包括凍波士頓龍蝦、凍蝦、翡翠螺、藍青口及鱈場蟹腳,海鮮控必定能大飽口福!

波士頓龍蝦只限晚餐供應,每人半隻,肉質鮮爽,而且龍蝦膏亦夠飽滿。

我自己最喜歡吃蟹腳,爽彈蟹肉雪白細膩,鎖住原始鮮甜海味。

魚生刺身夠鮮美,拼盤內有三文魚、大八爪魚、甜蝦、鯛魚、帆立貝及赤貝,可以在點菜紙上追加。

帆立貝肉身光滑細緻,味甜富彈性。


每位客人尊享蟲草花圓肉杞子燉豬腱湯,燉湯真材實料,每一口盡是精華,真是暖身又暖心。

增設點菜紙,就如日式放題般,任點任食,款式亦不算少,有沙律前菜、刺身壽司、燒物、熱盤、飯麵及點心等,因為全都是即叫即煮,比起平時一早煮好的大包圍buffet,食物質素其實更勝一籌,尤其是吃熱盤時,餐碟熱得盪手,大約等五至十分鐘就上枱,加上酒店放題不設限時,可以慢慢享受美食。

每碟份量只是一小碟,所以可以試盡更多款式,又不怕會浪費食物,而且全程也沒有漏單,店員勤快收碟執拾,服務態度相當貼心。

爐端燒帶來多款熱辣辣的串燒美食,例如烤日式鵝肝飯糰、美國肉眼串燒、大蝦串燒、烤魷魚、烤扇貝、烤雞翼、烤雞肉腸、日本甜薯串燒等等,燒飯糰的米飯被烤得酥酥香香的,內藏油脂豐腴的鵝肝,不過我最喜歡的卻是美國肉眼串燒,肉質細嫩,肉汁豐富,滿口瀰漫著牛脂香氣。


烤羊排保持肉質腍滑,燒得略帶微微焦香,羶味不過重,卻又不失羊肉本身的香味。



香煎鱸魚柳肉質豐腴雪白,伴紅椒忌廉汁入口更香滑,突出食材的原始鮮味,即使這次是任點任食的放題,但質素已可媲美平時吃西餐的main dish。



法式紅酒慢煮牛面頰是牛肉中最嫩滑一種部位,肉質鬆軟卻仍帶有嚼勁,煮得很入味。



花膠頭抽炒珍菌集合秀珍菇、雞脾菇、鮮冬菇、蘑菇、彩椒等,花膠嚼勁十足,爽彈又有營。



帶子炒鮮奶潔白滑溜,混合了切粒帶子本身的鮮甜,濃濃的鮮味奶香就在嘴裡化開。



黑松露炒蝦仁肉質新鮮爽彈,黑松露菇菌香氣尤其馥郁。



欖角小排骨表層炸到酥脆,鹹甜之間互相調和,讓人食慾大開。


白汁芝士通粉舖滿牽絲芝士,忌廉汁調較得相當濃稠,芝味十足。

黑蒜海鮮炒飯即叫即炒甚有鑊氣,炒得粒粒分明,以黑蒜代替蒜蓉,減輕了本身濃烈大口氣的蒜味,反而多了點微微甘甜味。

喇沙都是即叫即煮,湯底滲出陣陣椰香和微微辣勁。

點心不需一籠籠地叫,就算只點一粒也可上菜,包括蟹籽燒賣、荀尖蝦餃、山竹牛肉球及蜜汁叉燒酥經典款式。

吃了這麼多肉食,也可吃點沙律解膩,煙三文魚脂肪條紋清楚利落,魚肉鮮美而有彈性,芒果蝦沙律混有新鮮果肉,綻放天然酸甜果香。


甜品全都放於冷凍櫃內,由專人代夾,減低飛沫傳播機會。

甜品一如以往吃buffet般,款式繁多,賣相精緻誘人,單看已叫我這些甜點控心花怒放。

芒果拿破侖一層疊一層的酥皮香脆中滲出輕盈的牛油香,再加上新鮮芒果切片和軟滑的芒果慕絲,充滿層次的滋味在嘴裏一次綻放。

即叫即燒的焦糖燉蛋亦是心水推介,糖衣燒得香脆,下層的燉蛋入口綿柔,與熱糖衣呈現溫差的對比,還有那一嫩一脆的極端質感。


當然吃得再飽也不要忘了任食Mövenpick 瑞士雪糕。

飲品亦是自取,有多款汽水、果汁選擇。


最有特色的可算是清潤花果茶,輪流供應金銀花雪梨茶或無花果南北杏蘋果茶,樸實健康,養生又消滯。

柏景餐廳 Café on the PARK

尖沙咀廣東道33號皇家太平洋酒店園景翼2樓

https://www.facebook.com/RoyalPacificHotel/

「吃喝無限點」海鮮及環球美饌盛會

供應日期:  即日至2020 年 4 月 30 日

「吃喝無限點」午餐 (中午 12 時至下午 2 時 30 分)

星期日及公眾假期 成人港幣$388; 長者港幣$318; 小童港幣$268

「吃喝無限點」晚餐 (晚上 6 時至 9 時 30 分)

星期五、六及公眾假期前夕 成人港幣$568; 長者港幣$488; 小童港幣$308

提早一日經酒店官網訂座可享高達 55 折優惠; 所有價目以原價另加一服務費:http://bit.ly/OnlineBookingtc_2020

生日之星於生日月份內惠顧「吃喝無限點」午餐或晚餐,可享免費生日蛋糕乙個,詳情請參閱酒店官網。

 

 

 

 

This entry was posted in 九龍, 搵食優惠, 時令, 自助餐/放題 and tagged , , , , , , , . Bookmark the permalink.