在商務印書館買完書 就去了隔離的 Espresso Alchemy 食個午餐看看書 lunch set 供應至 2:30PM 啱啱過了午餐時間,唯有單點食物 儍媽點了一客 ... 蟹肉味噌扁麵 HK$123 + 大杯 latte HK$41 付款的時候才知道平日點一客食物 + 一杯飲品有 88 折優惠 ~~ 普通和大杯的 latte 只相差 HK$5 在鬱悶的 Blue Monday 實在太需要杯靚咖啡解解悶,所以點了杯大的 香濃咖啡散發牛奶香,口感幼滑,加上靚靚拉心,即刻醒神 ~~ 蟹肉味噌扁麵 闊身扁麵好有口感,每條麵條沾滿絲絲蟹肉和醬汁 醬汁 creamy 帶點咸香和芝士香,但不會有膩滯感 其實客蟹肉味噌扁麵份量都不少的 不過儍媽坐坐下突然好想食客甜品,就點了份 Tiramisu HK$49 面層香甜軟滑,底層仲有浸滿特濃咖啡的蛋糕和手指餅,好滿足呢 !!! Espresso Alchemy 香港 九龍 尖沙咀 彌敦道 132 號 美麗華商場 B1 層 B115 號舖 ** 以上分享是以我的口味、喜好和情況作出分享及感受,一試 / 合用與否請自行決定