【Day 2 ~ 2018 年 12 月 23 日。星期日。日本 關西 堺市】 這幾次去日本與 Gram Pancake 好有緣 今次終於比我試到好多朋友都推介的幸福 Pancake 參觀日本國家歷史遺跡『土塔遺跡』前 在泉北高速鉄道 深井駅咁啱有間 ... 幸福班戟 雖然剛食完午餐仲飽飽地,難得不須排隊等位,點都要入去一嚐幸福的味道 店面並不大,大約有 6 張 4 人枱 開放式廚房,可以看到廚師忙於製作 pancake,所以一入去已經聞到班戟的香味 ... 由於剛食完午餐仲飽飽地,只是點了一份 pancake 一家三口一起分享 ~~ 見到有【期間限定】口味,即刻點嚟試吓喇 !!! 期間限定口味 ... 國產蘋果醬配希臘乳酪班戟 Pancake with Apple Sauce and Greek Yogurt〈1,380YEN〉 使用日本國產 青森縣弘前大學培育植『紅の夢』蘋果配希臘乳酪 Pancake 即叫即製,嘆住茶等了約 20 分鐘就有得食喇 !!! 一客有 3 件又鬆又厚的 Pancake 配上忌廉和紅の夢蘋果粒,還有一小瓶紅の夢蘋果醬和希臘乳酪 青森縣紅の夢蘋果粒甜脆爽口,好好食呢 !!! Pancake 的質感很鬆很軟,軟綿綿的口感有點似食緊梳乎厘咁,入口即化 充滿蛋香和麵粉香的 pancake,配上香甜柔滑的忌廉和酸酸甜甜的蘋果醬 食起來不會膩口,仲好開胃,令人愈食愈想食 ... 終於再點多了客 ... 時令鮮果班戟 〈1,380YEN〉 A Happy Pancake at Sakai 幸せのパンケーキ 堺店 日本 大阪府 堺市 中區 深井沢町 3290〈泉北高速鉄道 深井駅〉 http://daifuku-osaka.com/happypancakesakai/ ** 以上分享是以我的口味、喜好和情況作出分享及感受,一試 / 合用與否請自行決定 。。。。。。。。。。。。 。。。。。。。。。。。。 。。。。 。。。。 。。。。 2018 日本關西小旅行。大阪近郊 5 日遊 【日本關西小旅行】大阪近郊 5 日遊 ♥ 行程篇 【日本關西小旅行】日本便利店。超市 ♥ 好好逛 ... 飲品篇 !!! 【日本關西小旅行】日本便利店。超市 ♥ 好好逛 ... 雪糕。甜品篇 !!!