日日煮飯 真是唔知煮咩餸 ? ? ? 簡簡單單做個燒味碟頭飯 ... 叉燒飯喇 !!! 將梅頭肉醃一晚之後 用氣炸鍋就能就出外面微焦、入味又軟稔的蜜汁叉燒 還做到我們最鍾意食的燶邊叉燒頭 好多人都會用梅頭來做叉燒 但儍媽喜歡用 759 數字屋的急凍豬腩肉 現在幾日才落街大手入 每次也會去 759 購入一點凍肉存倉 ... ↑ 呢款豬腩肉是必買之選 可以用來做蜜汁叉燒、燒腩肉、韓式包肉 ... 去了皮和肥肉的豬腩肉,帶點油脂 做出來的半肥瘦叉燒才好食,肉質軟稔、爽滑不膩 材料: 豬腩肉 450g 醃料: 叉燒醬 2 湯匙 生抽 2 湯匙 老抽 1 湯匙 糖 1 湯匙 花雕酒 1 湯匙 (或玫瑰露) 蜜糖 (備用) 做法: 1. 豬腩肉洗乾淨抹乾水,切去豬皮後,混和所有醃料放雪櫃醃一晚 2. 將豬腩肉放入氣炸鍋內,掃一點醃汁上色後,用 160 度 8 分鐘 3. 反轉豬腩肉,掃一點醃汁上色,再用 160 度 8 分鐘 4. 掃上蜜糖,用 200 度 2 分鐘 5. 反轉豬腩肉,掃上蜜糖,再用 200 度 2 分鐘 最後,切片上碟就食得 ~~ ** 以上分享是以我的口味、喜好和情況作出分享及感受,一試 / 合用與否請自行決定 ** 本網誌內所有文章和圖片均屬本人所有,歡迎參觀。圖文如欲轉載,請先聯絡 cheungester@gmail.com ! 如發現未經授權使用,本人將保留一切追究權利 ! 多謝合作 !