儍爸與同事夾份 share 了包蝦米腸粉 話怕變壞要明天食哂佢喎 ?! ?! ?! 有成 25 條咁多 ... 所以這晚唔煮飯,改食腸粉 ... 。氣炸豉油皇蝦米腸粉 。煎牛皮腱扒 。氣炸茄子 未試過用氣炸鍋整腸粉 先氣炸 10 條腸粉試下味道先 ... 仲加埋原本用嚟炒蜜糖豆的蝦仁落去,味道更豐富 氣炸豉油皇蝦仁炒腸粉 ~ 食譜 食材: 蝦米腸粉 10 條 急凍蝦肉 12 隻 醬料: 老抽 3 茶匙 生抽 2 茶匙 做法: 1. 將蝦米腸粉切段,放入烤鍋 2. 再放上蝦肉,用 180 度氣炸 10 分鐘 3. 倒入醬料並輕手拌勻〈使每條腸粉都沾到醬汁〉 4. 用 200 度氣炸 4 分鐘 就食得 ** 可以隨喜好灑上芝麻、葱花、芫茜 ** 以上分享是以我的口味、喜好和情況作出分享及感受,一試 / 合用與否請自行決定 ** 本網誌內所有文章和圖片均屬本人所有,歡迎參觀。圖文如欲轉載,請先聯絡 cheungester@gmail.com ! 如發現未經授權使用,本人將保留一切追究權利 ! 多謝合作 !