外出要百幾蚊一份的咸豬手,自己在家做成本低也不難做 整隻急凍咸豬手買返來不需調味醃製 拎去煲湯後,再氣炸,有湯飲還有脆皮豬手食,做法簡單又美味 用氣炸鍋做出來的咸豬手,外皮酥脆煙靭,肉質軟嫩,充滿骨膠原 加上自家製酸蘿蔔和醃青瓜,酸甜開胃,也可以解膩 用的咸豬手是家中常備的存倉凍肉 ... 之前儍媽試過用啤酒浸隻咸豬手,但是發覺浸唔浸都冇分別 ... 而將隻咸豬手先煲湯再氣炸 完全合符儍媽惜食的原則,豬手的咸味去了湯度,味道仲冇咁鹹 揀選不太濃味的湯水,以免影響咸豬手的味道 儍媽煲了清甜潤喉抗燥的的合掌瓜粟米紅蘿蔔湯 咸豬手食材: 咸豬手 1 隻 白醋少許 合掌瓜粟米紅蘿蔔湯食材: 粟米 1 條 合掌瓜 2 個 紅蘿蔔 1 條 蜜棗 1 粒 合掌瓜粟米紅蘿蔔湯做法: 1. 咸豬手洗乾淨,用滾水飛水後,撈起豬手 2. 煲滾水後加入豬手、蜜棗和已切件的粟米、合掌瓜、紅蘿蔔 3. 大火煮滾後繼續煮 15 分鐘後,將湯放入真空鍋中 1 小時 (或用明火慢火煮 30 分鐘) ,撈起豬手 4. 湯放回真空鍋中,3 小時後就飲得 (如果用明火,可以轉慢火繼續煲多 1.5 小時) ** 咸豬手本身已有咸味,儍媽覺得煲出來的湯唔需加鹽調味也夠哂味 咸豬手做法: 1. 撈起豬手後,瀝乾水份再用廚房紙抹乾 2. 用針或竹籤在豬皮上插滿小孔 (儍媽用的是 $12 店買的串燒棒,串燒棒的針頭尖尖的挺合用) 3. 放入氣炸鍋用 180 度 15 分鐘 4. 掃上白醋後用 200 度 10 分鐘,反轉豬手掃上白醋後再用 200 度 10 分鐘 重覆掃白醋步驟一次,或直至外皮金黃香脆就食得! ** 掃白醋可以令豬手外皮更香脆 ** 白醋在氣炸過程中揮發,氣炸出來的咸豬手不會有酸味 ** 可以用高架墊高豬手隔走油脂,以免豬手被氣炸出來的油浸住,影響香脆度 ** 以上分享是以我的口味、喜好和情況作出分享及感受,一試 / 合用與否請自行決定 ** 本網誌內所有文章和圖片均屬本人所有,歡迎參觀。圖文如欲轉載,請先聯絡 cheungester@gmail.com ! 如發現未經授權使用,本人將保留一切追究權利 ! 多謝合作 !