最近香港人愛上嘉年華定嘉年華愛上香港? 呢段時間兩個一齊黎, 兩個去邊個先好? 其實都係係香港而且兩個分別都開到2月同3月, 所以唔需要心急... 而我最近就去左東華慈善嘉年華玩下; 睇下馬戲團... 交通: 東華慈善嘉年華位於九龍灣果邊 前啟德機場跑道 (啟德郵輪碼頭旁空地) 對於我呢啲新界人都比較方便, 搭巴士/MTR去到九龍灣地鐡站, 行去德福商場2期下面巴士站 近Délifrance有架86號小巴直接到啟德郵輪碼頭, 車程大概5-10分鐘, 交通十分方便! 環境: 位於碼頭附近冇乜高樓大廈所以感覺相當闊落, 入場門口都好暢通 場內攤檔之間都有足夠空間, 完全冇迫夾感 設施: 機動遊戲比哎呀哎少, 但有全香港最高跳樓機坐鎮, 其他既就大同小異 而我就只玩咗6層樓高既超級滑梯, 畢竟要錢既機動遊戲唔係我杯茶 寧願留錢玩攤位, 正所謂:攤位玩乜唔緊要, 最重要獎品有冇潛力 個人認為呢到比哎呀哎既多款式高質素, 而且呢到工作人員好有禮貌同熱情 唔似得哎呀哎要貼錢受人面口, 話晒入得黎玩都係想開開心心姐 食物: 去得呢D地方一定要預咗食野貴, 所以我地都唔著重價錢, 只看質素 款式唔算好多... 有日;韓;西;港式 而我地就食咗個肉醬墨西哥片;炸雞粒同薯角 味道唔算好出色, 但份量總算有交代, 特別係個肉醬墨西哥片, 不妨試下 馬戲團: 其實原本係比英國皇家馬戲團吸引我去參加抽獎, 好榮幸抽中價值$480既VIP位 時間分2; 4; 6; 8 記得預好時間入場呀!刺激又好笑, 令我地目定口呆 阿盧比人捉咗出台玩, 夠曬互動!