十・一假期同阿盧約個會拍下拖 前日睇中醫無意發現既一間日式咖啡店 「屋子」淨係睇隔局就知係 "相機飯堂" (即裝修;食物賣相極好 淨影相都值回票價) 大圍火車站Exit A 沿大路行大概5-7mins 見永享銀行轉右 行前多少少見到一道大木門 地址: Tai Wai 積信街31至35號安信樓地下P號舖 店內坐位唔多 裝修又簡單又細緻的確係我杯茶 waiter遞上一本童年陰影既習作簿餐牌我地 飲杯野吹下水;食個飽肚飯;食甜品 呢到都絕對照顧到 而我同阿盧就每人叫個揚物餐連飲品;開胃菜;salad 大約$70有找 本身想叫飯團餐 但怕會太多太飽 而其他拉麵或"漬飯?"就不能跟餐 其實牆上黑板會有其他定食等等 可以留意下先決定 先上餐飲後上主菜 左:阿盧既冷蘋果茶 右:我既抺香奶茶 蘋果茶太甜(嗜甜既阿盧都嗌太甜 可想而知有幾甜) 而我果杯就岩岩好 好香抺茶味(心心眼) 登登登登...... 主菜終於上台 日本餐唔洗講都知一定係別緻 淨係賣相都好高分 左:我既吉列豚扒 右:阿盧既炸雞塊 唔喜歡食木耳既我 竟然愛上呢到既麻油木耳 環境好;味道好!!!!!! 雖然呢間「屋子」冇阿哥「屋子生活」咁大咁出名(完全唔知同聞名多時既屋子生活有關係) 但所謂大有大食;細有細食 最緊要都係咁好食 有機會都會去馬鞍山試下「阿大」 我.......突然愛上了這種日本咖啡店~媽!我想去日本呀!!!!!