最近我懷疑自己得罪了一名...... 性"荷" 名"爾蒙" 一向經期唔算準既我 曾經試過2次失去左Miss M既探訪(相信好多人都試過) 但出現徵兆愈來愈差 簡直冇辦法忍受 以下係我既心路歷程 如果大家有更好方法不妨一齊交流下 2015-4 第一次戰爭長達兩個月 當時谷M感有;生理痘有生;人又腫又易攰又易炆 開始以為痘痘只係因為谷M而生(一向都會生 所以見怪不怪) 奇怪既係痘痘好大粒;冇濃頭;又紅又腫又硬又痕 眼見D痘肆無忌彈咁生 只好抱住搏一搏既心態搵神醫攪攪佢 所謂神醫係經朋友介紹既一名大埔中醫師(唔開名了) 最後醫生話我太濕9 所以體內冇力迫Miss M出黎 飲左2星期藥粉Miss M終於重見天日 而果堆石頭瘡都跟住慢慢消失了 之後我間中都有去覆診大約3-4星期 直到感覺身體「好左」就停止再睇 2015-7 第二次戰爭至今 同上次一樣所有徵兆齊晒 7月又一次失去Miss M蹤影 心知不妙一定又同"荷先生"結下不解之緣 直到8月終於聽到Miss M鄗門以為可以同荷生say goodbye~ 誰不知Miss M走左 但留低左一大堆石頭痘係到(點解要咁冇手尾) 情況每況愈下 又大又紅 想多手唧下都唔得 就算有濃頭既唧完好番一陣又會生番 冇左痘 留下印 攪到塊面花哩花碌 妝上唔到 自信心愈來愈低(本身已經冇乜) 加上頭髮突然甩左多;眼乾口乾....既徵兆我知道唔可以拖了 其實經過上次荷先生既搗亂 已經調節左自己既生活習慣 運動又多左 但依然走唔甩 原本打算去做facial攪一攪佢 但了解清楚後相信自己唔係皮膚問題 而係體內問題 所以無謂浪費金錢治標唔治本 所以把心一橫去搵過個中醫睇 調理一下...... 2015-9 我的確得罪了他 今日去左睇大圍一個幾出名既中醫(不開名) 雖然聽聞佢主力幫人調理身體生B 既然生B都得 希望可以幫我調理整好D石頭痘 一去到等左一陣就到我 一輪咀講晒自己有咩徵兆(當然一定有比塊面佢睇啦) 佢二話不說就話我「荷爾蒙失調」一開開一星期藥 仲叫我一定唔可以心急起碼要睇3個月 而家最重要幫我攪攪D暗瘡 又好細心地怕我嫌藥苦 開左2日湯比我 每日飲2次 好方便只要放入微波爐就可以 味道還易入口 (其實一向唔喜歡飲藥粉 感覺藥效比較差同冇直接煲果種中藥香) 今日開始我對抗「荷先生」既戰爭