今次旅程有夜店呢個環節 絕對唔係因為阿盧唔係身邊就作反 其實一直都好好奇其他國家夜店既模式 更何況黎到呢個唔少人專程為夜店而黎既台北 冇錯!係夜店!什麼落藥;執屍;迷姦係新聞見唔少 但今次有朋友帶路 就鼓起勇氣去見識;感受一下 當然得到阿盧批准先可以去啦~ 膽粗粗3男2女踩入一間名叫Vogas Taipei既夜店 未去之前上網research一下 哇!鋼管舞;美媚;波濤又洶湧(自卑感上升) 去到門口見到有人排隊以為一定冇死 誰不知...... 一入場只見到TVB劇集場面 果種「想扮到好熱鬧但奈何唔夠茄呢啡撐場既情景」 盡管DJ音樂幾咁有heart叫你"put your hands up" 都只有小貓幾隻出dance floor fing下手腳 男女比率係1:99既情況下 說好的美媚呢?在場每位男士都用那雙昐望既眼神望住個入口 祈求打開大門會有班台妹;美媚衝入黎 可惜呢個情況到最後都冇出現...... *台北夜店大部分都唔歡迎腳趾(意思係唔比著涼鞋/拖鞋) *經的士哥哥解釋原來ladise night係逄星期三;五(難怪會有今晚既情況出現 wrong timing) *所謂任飲唔是你所想果種無限暢飲 而只係第1 set shot free for you 但之後只限於某將種調酒 *台北唔是主張英文既地方(至少呢間夜店唔係) 所以叫酒盡量用中文叫 例如: 奶酒 (即Baileys) *呢間夜店拎野飲要好似制水咁 要拎番自己隻杯 排隊打水 吖!唔係係拎酒 最後我地只逗留左大約2-3個鐘 跳左幾隻老舞 排左幾次隊 飲左幾杯酒 就是咁~我見識到台灣既夜店 :-|