一年一度阿盧既大日子又到喇 由於某原因不能夠撥出太多資金 但又唔想草草了事 所以決定黎個香港三日兩夜遊 什麼海馬公園,迪迪尼都已經去夠 有咩地方可以遠離塵囂又經濟又好玩呢? 早前網上見到有個地方十分之吸引我 就係大嶼山塘福露營車 即係嗰種睇外國電影會見到既RV黎個Car camping 開始上網做資料搜集 發現呢個Car camping仲未普及化 資料唔算多 但有1,2個Blogger都打得好詳盡 早係1個多月前打電話預約 誰不知⋯就只淨番4/6-5/6一晚最近阿盧生日 由於RV供應不太足夠 太搶手 所以就二話不說落訂 詳細請見> 塘福露營車 溫馨提示 由於Car camping只能夠book到一晚 所以第二晚就選擇咗經常出現係團購激平位於梅窩既銀礦灣酒店 但原來上官網有生日優惠比團購更平 仲送蛋糕加紅酒 又二話不說打電話訂房 最後決定upgrade 到剛裝修完既新翼 行程安排: Day 1 - 大埔 > 東涌 > 塘福 Check in Day 2 - 塘福 Check out > 梅窩銀礦灣酒店 Check in > 大澳 > 梅窩 (supper) > 酒店 Day 3 - 銀礦灣酒店 Check out > 愉景灣 3日2夜離島遊都安排一些比較多外國人既地方 無他既~鬼叫我窮唯有幻想下自己去左外國啦 呢3日洗費大概係去2日1夜澳門既價錢 so唔so? 見人見智喇 而我就覺得可以遠離一下煩囂去郊外休息下係一件好事 有興趣可以跟我地黎轉離島3日2夜遊 Let's Go Go Go to celebrate 阿盧's birthday with us!!!