依篇分享係我30歲後就一直好想出, 結果拖到今時今日哈哈! 但有心唔怕遲,全部都係我發自內心介紹, 長期自用自購既好物分享! 當中既產品都唔係便宜之選, 但當你30歲後,你絕對有能力去揀較高價位既產品, 貴唔緊要,用得哂有效果就係值就係抵! 以下一共8樣我精選既30歲後既真愛, 分享俾我身邊同我年齡相近既朋友:) Aveda按摩木梳 30歲後的的確確頭髮係冇以前咁濃密, 甚至有脫髮既危機! 頭髮亦較以往容易乾燥打結, 所以絕對需要一把好既梳, Aveda依把按摩木梳既刷毛有獨特既延伸設計, 可以輕易順理頭髮, 你會發現梳過後既頭髮柔順好多, 同時可以用佢黎按摩頭皮, 對頭髮既育成好有幫助外, 多按摩亦有助舒緩工作造成既頭部疲勞同緊張! LA MER The Lip Balm 修護唇霜 LA MER依個Lip Balm的確係一個貴婦產品, 因為佢咁樣一粒係要成500幾蚊! 但用左佢你係唔會返轉頭,你係會覺得值既! 佢最利害既係佢既修復效果, 特別係乾燥既日子,佢會令你嘴部得到救贖! 因為我個嘴真係好敏感, 每到天氣一乾燥,我個嘴就會好乾,甚至乾到痛, 敏感到我唔駛睇天氣報告,我都會知今日乾燥! 以前狂搽普通既護唇膏係可以做到滋潤, 但就拯救唔到我乾到痛既問題, 而LA MER依個Lip Balm係真的真的真的搽一次就唔痛, 淡淡既薄荷清香即時做到舒緩乾燥, 平日我每日用3次,早上化妝前、晚上沖涼後同臨訓前, 基本對嘴既保養就係咁, 其餘時間都係直接搽唇膏,亦唔會再特別用其他護唇產品! Lancome Advanced Génifique Yeux Light-Pearl™升級版冰鑽亮眼精華 Lancome依支精華我所推介既係佢支按摩頭, 因為年紀大啦,眼睛特別容易浮腫, 平日既工作亦會令眼周特別疲倦, 而利用左按摩頭按摩後眼的確無咁攰, 而且亦較緊緻冇咁浮腫! 另外亦要讚一讚佢既睫毛強化活性成份, 平日我化妝又夾又電又擦再卸睫毛, 好損害睫毛,所以以往我有搽開睫毛修護液, 但當我用左依支精華後, 就冇再使用其他睫毛修護液, 而我既睫毛依然十分強韌,甚少脫落, 所以可見依支精華有效強化睫毛,防止斷裂及脫落既效果! Canvas Ylang Ylang Handcream 曾經我以為Canvas唔再出依支Handcream, 所以我屋企依家係有成10支存貨, 因為我真係好怕冇得用會訓唔著! 比較年輕既朋友可能唔識欣賞依蘭依蘭既味道, 佢唔係特別香既味道, 但佢既味道係有助於放鬆減壓,同幫助入眠, 到你30歲後就會明白到安眠並唔係一件簡單既事! 除左味道外,Canvas既handcream既滋潤度亦好夠, 因為我係一個極常洗手同唔中意handcream感覺既人, 所以我每日只會係夜晚臨訓前搽一次handcream, 日復日每晚堅持用,手都可以基本保養到! Cle de peau全效修護細胞防曬乳霜 又黎貴婦級產品,800蚊一支防曬! 首先要講既係30歲啦,就算你唔怕曬黑, 我話你知斑都唔會放過你! 所以每日一定要搽防曬,記得仲要搽埋條頸, 我係就算明知個日唔出街都會搽防曬既人! Cle de peau依支防曬做到SPF50+ PA++++既最高防曬級數, 基本我日常每日搽一次就已經足夠, 唔需要特別補,戶外暴曬日子除外呀! 而佢值$800既原因係佢搽上臉係有保濕、光澤、均勻膚色既效果, 用左佢唔化妝時有精神、紅潤既效果, 化妝既就可以當佢係一支妝前底霜,做到修飾既效果! 而佢既滋潤保濕度亦相當唔錯, 值得讚既係佢夠滋潤得黎唔會有厚重、黏笠既感覺, 即使用係頸部亦十分清爽舒服! 如果以上原因都吸引唔到你既,仲有一個原因, 就係佢既味道,係Cle de peau既味道, 即係高級既味道,到你30歲時就會明白產品味道既重要性啦! fresh紅茶晚間緊緻面膜 30歲後你會發現皮膚特別乾, 所以我係日常護理中除左日常既面膜護理外, 我仲會每晚再使用Sleeping Mask! 我中意fresh依款晚間面膜既最主要原因係佢做到緊緻, 用左佢之後皮膚明顯係firm左,拍打時亦明顯有彈性! 加上佢既質地好舒服易吸收,唔會黏笠, 即使用哂所有晚間護膚品後再用埋都唔會痴枕頭! 我亦十分推介俾年輕點比較懶既女仔, 平日唔中意懶敷mask既隔晚敷依個, 亦都可以基本保養到皮膚同抗衰老, 暫時我推介俾咁多朋友都冇負評過呢! GUERLAIN My Supertips-- Midnight Secret深夜養膚霜 依支可能係今次最令人覺得要買既產品, 因為佢係懶人既恩物, 即係一支攪掂哂咩都唔駛再用, 而且佢既單價比較平,200幾蚊, 不過我要提醒你佢好細支,因為唔係日日用既! 岩30歲既原因係有時真係太攰, 無辦法再攪咁多野,但唔攪聽朝又馬上出事, 依支養膚霜就可以幫到你! 佢既賣點係減緩浮腫、抹走倦容, 一覺醒來肌膚如整夜酣睡後般容光煥發! 在於我既角度佢又未至於咁勁, 但佢可以做到保持肌膚質素既效果, 即係俾機會你懶一晚,但唔會出事咁解! 所以唔好諗住晚晚淨係用佢就會皮膚好好, 係絕對沒!有!可!能! 另外,我喜歡依支養膚霜另一個原因係佢既味道又係好舒緩既, 用左之後訓覺亦都有幫助入眠既效果! LUSH 睡公主沐浴露 最後推介依款沐浴露又係依蘭依蘭既朋友, 又係我訓個好覺既推介! 沐浴露使用到薰衣草同依蘭依蘭精油, 有助沐浴時放鬆心情,以及之後安穩入睡! 另外,依款沐浴露亦加入左燕麥奶及海凝膠萃取, 夠哂滋潤同埋有助軟代角質, 用少量已經可以沖哂成身,味道及效果上都好唔錯! 希望以上既產品可以幫助到30歲後既你, 日日好眠,心情靚靚、皮膚靚靚啦! 希望大家中意我既分享歡迎任何合作試用出席活動 Email :emmama__2@hotmail.com Facebook : https://www.facebook.com/emmalovesbeauty Instagram : lny_emma Beautyexchange :http://www.beautyexchange.com.hk/blog/emmama__2 The Ztyle : http://www.theztyle.com/?80365 SHE.COM : http://blog.she.com/emmama2/ Elle : http://blogs.elle.com.hk/emmama2/ UBlog : http://blog.ulifestyle.com.hk/blogger/emmama213/ 免責聲明 **以上產品為自購產品 意見屬個人試用後分享**