近依一年我真係好中意用日本野 試左好多歐洲、韓國既牌子 我發現我皮膚最適合日本牌子 特別係較白同皮膚乾既女仔 日本牌子我最愛Shiseido 當中既Cle de peau簡直每次去親都一頸血 但除左專櫃品牌外 我仲好努力發掘左一d平價好物 而且仲係係香港有得買既tim 大家唔好錯過啦 MEISHOKU Skin Lotion美顏水 HK$99.00/2支 (SASA) 依支美顏水既背後係一個動人既故事 當時經營藥店既桃谷次郎先生 特意為治療妻子面上粉刺而研製出既第一瓶「袪痘美顏水」 我通常係洗完面後作為潔膚水使用 有效控油同抹走死皮 產品係透明水狀 皮膚污糟時抹完既綿花會變成暗黃色 特別適合混合性 油性 暗瘡或毛孔粗大既皮膚 唯一唔完美既地方係佢既氣味 我覺得係西瓜霜味 我自己就唔係咁中意啦 不過為左個效果 我還是可以接受個味啦 SHISEIDO EAU DE CARMIN 嘉美艷容露 HK$48.00 (巴黎草莓) 之前睇雜誌一直有介紹依支水 個日行巴黎草莓見到 做緊特價$48 真係冇可能唔買 玻璃樽裝既外型真係好高級 佢係雙層型態既化妝水 所以用之前要搖一搖 功效主要係改善痘痘 減淡痘印 緊緻毛孔同補水控油 而且含收斂成份 所以曬後可以沾係化妝棉上濕敷 可以達到舒緩鎮定既功效 我通常曬完後用佢輕拍 或者針清後濕敷 皮膚感覺冰涼舒暢 有消炎作用 Kose Babylish Mask Clear Turn 7回用 HK$24.00 (卓悅) 講日本平價好物 一定要講我既至愛面膜啦 佢係我心目中每日full mask既排名NO.1 雖然佢紙質比較薄 精華唔算多 個CUTTING仲有D怪 但敷大約10分鐘 連敷7日 兩頰明顯會有彈性 同有光澤左 係我身上皮膚真係顯著保濕 亮白 同有彈性 而家每逢有朋友問我咩保濕MASK好 我一定推介用佢 首推粉紅色保濕 另有黃色滋潤 同藍色美白 我見依家好多地方都有得買 SASA 卓悅 WATSONS 759 大家睇準特價時 入多D貨啦 MOPIKO 強力無比膏 HK$39.90 (Watsons) 一般人都以為無比膏淨係用黎止癢 蚊咬時先用 但其實無比膏最利害既功效係消除紅腫 熱痱 濕疹 皮膚敏感時都可以搽 所以每逢我發現面上有粒粒開始起時就會搽 如果唔係太嚴重既第二日就會消左 另外有時我針清完後都會搽係針清過既地方 紅腫會快D消 好用過暗瘡膏呢 不過都要溫馨提示下大家 係要確保唧乾淨先好搽 未乾淨既都係提議用反暗瘡膏 無比膏最主要係消紅腫 獅王PAIR暗瘡膏 HK$75.00 (巴黎草莓) 我唔算係暗瘡底 但面上有時都會起一D粒粒 特別係特別既日子前 面上總會有D小紅點 如果我知道入面冇野唧到既 我通常會搽無比膏 但有既時候我會先用針吉穿 再慢慢推乾淨 然後就要搽一搽暗瘡膏啦 獅王依支應該好多人都識嫁啦 以前要特別托人去日本買 但而家香港都可以買到啦 重點搽係暗瘡到 豆豆明顯會快D謝同消 產品含殺菌及消炎成分 避免清唔乾淨又再發出黎既機會 搽係患處後將漸變透明 所以白天或者外出時都可以使用 加上佢擁有接近皮膚既pH值 用完唔會出現好乾既情況 獅王休足時間 HK$75.00 (Watsons) 以前腳痛腳酸訓覺就會好辛苦 搽 野或者貼野又會好鬼臭 成晚可以唔駛訓 直到遇到休足時間 用完係馬上會愛上 淡淡既清香 貼係腳到慢慢會滲入清涼 超級舒服 涼涼地好快就會訓著 所以每逢企得多 行得多個晚就會用 腳痛抽筋既情況的確冇咁容易發生 以前聽到朋友去日本 我必定叫佢地幫手買 但依家香港好多地方都有啦 隨時都可以買到 大家千奇唔好錯過 俾對腳好好休息下啦 大創粉樸清洗劑 HK$12.00 (吉之島12蚊店) 12蚊店既超級好物 唧適量既清洗劑落粉樸 洗一洗 用水再沖乾淨 嘩…..好乾淨 上面既粉樸我洗左一次已經咁乾淨 之前我用MAC真係洗到我手都爛都未乾淨 依支清洗劑我仲會用黎洗唇掃、眼影掃同塗暇掃 不過胭脂同碎粉掃我就唔會用依個黎洗 因為唔夠順滑 會破壞左掃本身既柔軟 但佢洗粉樸真係一流 希望大家中意我既分享 歡迎任何合作❤ 試用❤ 出席活動❤ Email : emmama__2@hotmail.com Facebook : https://www.facebook.com/emmalaw213 Instagram : lny_emma The Ztyle : http://www.theztyle.com/?80365 SHE.COM : http://blog.she.com/emmama2/ iTral : http://trial.itrial.hk/member_center.php?action=blog Beautyexchange:http://www.beautyexchange.com.hk/blog/emmama__2 Elle:http://blogs.elle.com.hk/emmama2/ 免責聲明 **以上產品意見屬個人分享 並不代表該品牌之言論及立場**