近依一年好多身邊人都去日本 差唔多每隔一個月到就會聽到有人去日本 咁就當然要叫大家仗義幫手買下野啦 化妝護膚品就不在話下 就算平價既都好有保証係抵讚 但今次我唔介紹化妝護膚品啦 因為有好多而家香港都有得買 反而今次係要介紹下大家一D香港較唔常見 或者冇既生活用品 藥物係佔大比數 唔知點解我食日本藥真係特別WORK同見效嫁WO BY THE WAY 日本人真係注意到好多生活既小細節 而出左好多好正既用品 小林製藥尿素去角質皮脂粒軟膏 自問我真係唔係好生暗瘡 全身既皮膚都冇咩毛孔 但偏偏手臂好容易生粒粒 夏天著背心時真係好尷尬下 上網查過依D粒粒叫做毛周角化症 天生或者後天用剃刀剃毛都會引起 但自從用左依個軟膏後 我手臂真係乾淨哂 好小生粒粒啦 因為依隻軟膏含有高濃度軟化角質既成分「尿素」 可以促進血液循環 有效消炎同改善紅血絲紅斑 修復肌膚細胞 促進細胞更新 我每日沖完涼後都會用 同忍住唔會再用剃刀剃毛 2個星期到就好反哂啦 同我有相同問題既朋友 去日本時記得買 或者託朋友買啦 好有用嫁 溫馨提示 記住塊面唔用得嫁 EVE錠止痛藥 依款止痛藥差唔多篇篇講日本既BLOG文都會講到 主要既頭痛 M痛 牙痛 喉嚨痛 關節痛等都有效 分白色同藍色2種 藍色包裝EVE QUICK既效力比較強 主要針對頭痛 我依D容易周身痛既人真係好需要 而且佢冇PANADOL咁大粒 好吞好多 綜合感冒藥パブロンゴールドA錠 今年身子好弱 感冒藥真係居家必備 依隻綜合感冒藥 好適合初感冒時食用 幫助到舒緩喉嚨痛 鼻水同咳嗽等症狀 係我身上我覺得係好過幸福傷風素 必理痛 佢藥力冇咁勁 食完唔會暈咁濟 同冇睡意 平時初起喉嚨痛時食 好好休息好快就會好反 但嚴重時就冇咁有效啦 建議都係快D去睇醫生啦 綜合感冒藥パブロンゴールドA微粒 另外 依隻感冒藥都有出粉狀 效果仲快D見效 特別係喉嚨痛 適合D唔係好識吞藥丸既朋友 但不得不說 佢都幾苦下嫁 食之前記得倒定一大杯水 第一三共新フジサワ胃腸薬クール 鑒於我份人飲食既份量好唔定量 同無辣不歡 嚴重重口味 我個胃唔多好下 好易胃唔舒服 平時食丸狀既胃藥 好耐先會見效 但依隻係粉質 唔舒服時一次一包 用水送服 好快就見效 而且拎出街好方便 腸胃唔舒服既朋友去日本時不妨買D旁下身 Columbus New Neo Cleaner 今年真係好中意買同著白色既波鞋 AIR-FORCE同JORDON簡直係我既至愛 襯咩LOOK都岩 又好睇 但白色波鞋真係好易污糟 出2-3次街就明顯有積 著得耐仲可能變黃TIM 所以每次著完都要好好保養 依支COLUMBUS既CLEANER簡直係白波鞋既救星 每次著完反屋企用唧佢落毛巾到抺一抺對鞋 即刻乾淨哂 仲亮一亮TIM 有左佢以後都可以盡情買白鞋啦 其他皮類既製品都可以用佢嫁 Kracie 神奇香氛玫瑰軟糖 最後講下野食 你見我買咁多就知正啦 係對上個次細佬去日本幫我狂掃反黎既 充滿玫瑰香既CANDY CANDY 外層包住糖衣 入面就係軟糖質地 好好咬口 含有玫瑰花瓣萃取精華 食完個口既香氣四溢 味道酸酸甜甜 好適合食完飯後清清口氣 據聞食完可以令皮膚都傳有玫瑰花味 咁就真係誇張左D既 不過依隻糖含有玻尿酸 維他命C同膠原蛋白三種美肌成份 一包先129KCAL 簡直係我依個糖痴既恩物 分2隻味 純玫瑰同玫瑰+BERRY味 中2清香淡D既朋友建議揀純玫瑰 比較中2甜既就可以揀BERRY 香港唔係到到有得買 我見過大約$10-15到一包 日本就$7到一包 所以要掃呀~~~~~~ 溫韾提示 以上既藥物係我自身用完覺得OK介紹俾大家 但始終都係藥 大家用之前同買之前都要好好睇清楚說明先用 而且依D藥多為病症初期使用 真係好唔舒服或者好耐都唔好 建議大家都係要去睇醫生比較好 唔好隨便亂食藥呀~~~ 希望大家中意我既分享 歡迎任何合作❤ 試用❤ 出席活動❤ Email : emmama__2@hotmail.com Facebook : https://www.facebook.com/emmalaw213 Instagram : lny_emma The Ztyle : http://www.theztyle.com/?80365 SHE.COM : http://blog.she.com/emmama2/ iTral : http://trial.itrial.hk/member_center.php?action=blog Beautyexchange : http://www.beautyexchange.com.hk/blog/emmama__2 Elle : http://blogs.elle.com.hk/emmama2/ 免責聲明 **以上產品意見屬個人分享 並不代表該品牌之言論及立場**