雖然天氣都仲好熱下 但大家有冇發現皮膚開始乾呢 係護膚品方面不妨用反D滋潤D既產品 以下就有8款我係冬日常用既面膜 誠意推介俾大家 Innisfree It’s Real Squeeze Mask HK$10.00 Innisfree依系列既MASK都係天然果蔬精華 溫和呵護肌膚 佢既優點係個mask做得好有彈性 cutting好好 基本上可覆蓋所有位置 精華超多 敷既時侯我會用佢袋入面d精華搽埋咀 唇膜都慳反!! 敷完15分中 都仲好濕 通常我會用張mask黎搽埋手手腳腳 一張mask用哂全身係咪好抵呢 冬日首推manuka honey 滋潤但唔笠 保持肌膚健康 Etude House Collagen Moistfull Mask Sheet HK$14.00(韓國價錢) 補COLLAGEN都係我秋冬好注重既 ETUDE HOUSE依款面款紙質算薄 FULL上面都好貼同舒服 精華液厚身D滑D FULL完感覺好滋潤 好似真係FULL左一層COLLAGEN咁 好適合而家呢D有D熱 但又乾既天氣 潤得黎又唔會痴立立 Too Cool For School Smart Fit 3D Mask Whitening HK$30.00 冬天當然要美白下啦 而我心目中第一位既美白MASK 就係Too cool for school 3D面膜 佢既美白效果係勁過一D成200蚊既專櫃面膜 係我用過所有美白面膜當中我覺得係真係有白到既 立體型既設計 可以更貼近肌膚輪廓 細微位都可以滋潤美白到 但面膜唯一缺點係比較厚 full時會有d厚重 但係可以接受既 韓國買平好多 去開韓國一定要入貨呀 Too Cool For School Egg Cream Mask HK$30.00 同款既有噴霧泡泡既面膜 我覺得麻麻地 反而依隻我超中意 EGG CREAM MASK (白滑雞蛋乳霜面膜) 以蛋白同蛋黃為主要成分 雞蛋既成分有助淨白肌膚 可以改善膚色暗啞既問題 同時有效滋潤肌底 並能夠去除過多油脂同老化角質 當中佢既面膜紙都好特別 係以纖維製作 可以緊貼面部輪廓曲線 用完塊面好有光澤 亦感覺白左 好似排左毒咁 皮膚感覺健康左 但產品感覺較刺激 容易敏感既朋友要多留意呀 Kose Babylish Mask Clear Turn 7回用 HK$25.00(Watsons) 冬天當然都唔小得我既至愛面膜啦 係我心目中每日full mask既排名NO.1 春夏我通常FULL粉紅色保濕 或者藍色美白 秋冬我就會揀黃色既滋潤型 效果比較滋潤 雖然佢紙質比較薄 精華唔算多 個CUTTING仲有D怪 但敷大約10分鐘 連敷7日 兩頰明顯會有彈性 同有光澤左 依家好多地方都有得買 SASA $26 卓悅$26 WATSONS$25 建議大家趁WATSONS 2件85折時入多D貨 平均每包都係$21.3 即係每塊3蚊到炸 Tonymoly Intense Care Gold 24K Snail Hydro Gel Mask HK$30.00 秋冬不能缺既SNAIL GEL MASK 試過好多牌子好多款 最中2TONYMOLY依款24K金 面膜雖然係GEL狀 但精華都幾多下 FULL既時侯都幾濕潤 剪裁分2PART 可以更加貼近面型 FULL哂成塊面 FULL完既時侯塊面會有閃閃令既感覺 即時滋潤不小 仲好有光澤感 第2日都保持到 上妝會更貼服 不過都比較貴 所以我通常特別日子前先會FULL Skinfood Black Sugar Mask 100g 約$50(韓國價錢) 冬天去角質都好重要 表皮薄D護膚品都吸收D SKIN FOOD依款黑糖面膜係我磨沙既至愛 黑糖顆粒適中 磨沙效果唔錯 皮膚明顯見較幼滑 另具潤澤面膜之用 磨沙同時潤膚 一舉兩得 先取適量磨沙去角質 磨沙後敷臉5分鐘 然後用水輕輕按摩洗乾淨 韓國專門店賣約$50 香港專門店好似over$100 水貨鋪約$59-80 WHOO后鹿茸面膜 約$300(韓國價錢) 冬天比較凍時 有時真係會怕凍懶得FULL PAPER MASK 咁我就會用WHOO后依隻鹿茸面膜 當中有好多名貴既中藥成份 FULL個下真係覺得好補嫁 另外佢FULL上面時有發熱既功效 可促進肌膚的氣血循環 冬天FULL真係超舒服 而佢既發熱感都可以幫助黑頭粉刺浮起 之後既針清真係更容易清出黎嫁 佢支裝會比較貴 要成$300 所以我通常上網買試用裝 每包大約4-5蚊 每次用一包 份量岩岩好 而且保鮮度仲更好TIM 希望大家中意我既分享 歡迎任何合作❤ 試用❤ 出席活動❤ Email : emmama__2@hotmail.com Facebook : https://www.facebook.com/emmalaw213 Instagram : lny_emma The Ztyle : http://www.theztyle.com/?80365 SHE.COM : http://blog.she.com/emmama2/ iTral : http://trial.itrial.hk/member_center.php?action=blog Beautyexchange : http://www.beautyexchange.com.hk/blog/emmama__2 ELLE BLOG : http://blogs.elle.com.hk/emmama2/ 免責聲明 **以上產品意見屬個人分享 並不代表該品牌之言論及立場**