行過佐敦,見到一間同週圍裝修好唔同嘅café,就係咁俾佢吸引左入去。哈哈,女仔就係咁架喇。 呢間café的格局係走英式風格,一入舖就見到好多咖啡機種同有關咖啡嘅書,呢間café好明顯係主力sell咖啡的。 點擊圖片放大 +2 店內嘅熱盤唔係太多選擇(冇d*鍾意嘅egg benedict..),最後點左一pasta同一all day breakfast Studio Heavy Metal (Monster All Day Breakfast) 呢個monster all day breakfast客氣啲講真係好一般,除左scrambled egg同bacon係ok啲之外,個法包咬到我呢個牙齒好健康嘅人都牙痛,難咬難切⋯⋯薯仔份量有啲少得可憐,腸仔個皮幾硬,真係有待改進。 黑椒雜腸意粉 House Pasta – Mixed Sausages in Black Pepper Sauce 反而意粉就覺得唔錯,味道夠濃,而且黑椒味好重,好足腸仔,食落仲辣辣地添。 Cappuccino - 呢個係Valentine’s special嘅couple set. 特別畫上一對雀仔嘅拉花。好彩咖啡都冇令人失望,幾香幾滑。 Btw, 呢間café入面有好多結他放喺度,好似係咖啡師閒時會係度夾band架! Studio Caffeine -佐敦廟街284號地下 loves, d*