[SPD4459Dingdingtasty]番外篇之灣仔華星冰室 我哋電車美食遊記已經由北角行到去柴灣喇!但係講到嘅美食又點止咁少啊!我哋都收到其他乘客想試ge美食,所以我哋架電車今次就會衝出港島東,去到灣仔! 今次要試ge係華星冰室!有乘客報告話華星冰室嘅常餐好好味!咁所以一去到就叫咗個常餐!作為一間冰室的茶餐廳,坐得比較窄。但勝在嘢食黎得夠快!個包就普普通通,火腿略嫌有點凍,本身預計會熱熱地的。值得一讚係炒滑蛋,個滑蛋真係好滑,蛋味好香濃,食入口好creamy! 跟著就有叉燒湯意粉,叉燒份量足夠,而且肥瘦分佈適中,唔會太肥或太瘦,有啲肉食。濃湯加上意粉,味道好夾! 地址:灣仔克街6號廣生行大廈地下B1號舖 Written by Kion Chan