即使自己有唔少旅行腳, 但總有些旅行地方只係想同摯愛去二人世界~ 希臘或馬爾代夫就係自己一直以來嘅蜜月旅行心水地點~ 前者除左有湛藍嘅地中海, 仲有豐富嘅歷史名勝, 景點活動比較多元化, 所以就揀左去希臘honeymoon~ 希臘的島嶼眾多, 當中以南面的Cyclades群島最多人去, 包括最為人熟悉的小白屋、藍頂教堂所在地 - 聖托里尼(Santorini); 而東面的Ionian群島也很吸引, 水清澈得連獨木舟也像浮在半空~ 當中最具人氣嘅景點就係韓劇「太陽的後裔」取景地點, 位於札金索斯島(Zakynthos)的沉船灣~ 初時有諗過兩邊都去, 但兩大群島距離較遠, 而且必須要在雅典轉機, 比較浪費時間, 所以最終決定只去Cyclades群島~ 自己和太太都喜歡寧靜、慢活, 早知聖托里尼遊人較多, 所以只留兩晚, 反而安排較多時間待在較少遊人的帕羅斯島(Paros)~ 那裡的景點不算多, 但有很多水清沙幼的海灘, 也可以搭船去附近島嶼觀光~ Day 1 早上7:50乘搭阿聯酋航空航班出發, 來回機票連稅每人只需HK$4499~ 機上乘客不多, 兩個人可以霸晒中間一排四個位, 瞓覺都方便D~ 機上的娛樂系統很好, 電影既新且多; 但飛機餐就比較偏中東口味, 唔算太啱食, 比另外兩間「中東三寶」為差~ 中途在杜拜等了4小時, 然後轉機到雅典, 抵達已是晚上8:30~ 由於翌日一早就搭內陸機去Paros, 所以不花時間到雅典市區, 而選了機場附近的Peri's Hotel入住, 一晚雙人房€80, 包早餐及來回機場接送, 車程只需10分鐘, 非常方便~ Day 2 早上乘搭Olympic Air內陸機到Paros, 單程機票連稅每人HK$765~ 機種是Bombardier螺旋槳機, 甚少搭這個機種, 根本連聽都未聽過呢間飛機製造商~ 大約一小時的航程就抵達Paros機場, 機場超細, 一出機場就有對應航班時間的巴士從機場開到港口小鎮Parikia, 單程車費每人€2~ 由於大部份遊客都是自駕或有專車接送, 所以只有四、五個人搭巴士, 而司機態度良好, 有問有答~ 到達Parikia後, 先沿海邊步行十五分鐘到下榻的Apollon Boutique Hotel安頓行李~ 酒店裝潢新穎精美, 房間不大, 但很整潔, 並附有園景露台, 很不錯~ 之後就到附近餐廳To Souvlaki Tou Pepe食烤肉捲餅, 為當地比較便宜的食物, 兩三歐元就有交易~ 比得包夾著肉汁豐腴的烤肉、薯條、生菜、蕃茄、洋蔥和乳酪醬, 十分飽肚~ 食飽就到鎮上閒遊, 在白屋群中的巷弄穿梭漫步, 逛逛小商店已經很寫意~ 不少房子都種了盛開的簕杜鵑, 影相一流~ 同時也看看地標建築 - 大風車和藍頂小教堂, 還有拜占庭式建築的百門教堂(Temple of Panaya of Ekatontapiliani)~ 晚上在家庭式餐廳To Mortari食晚飯, 人均消費約€10~ 點了肉丸, 但拌入太多麵粉, 味道一般, 而伴碟的薯條也不夠香脆~ 另一道菜炸鱈魚的水準較高, 皮脆肉嫩~ 點擊圖片放大 +3 Day 3 是日本來打算join daily cruise去附近小島Antiparos遊船河, 甚至去遠少少但水更清的Koufonisia, 不過因為要就另一個想去的活動檔期而割愛~ 而呢個活動就係喺清到透明嘅海水爬獨木舟, 報了Sea Kayak Paros的day trip, 團費為每人€70~ 由於五月未係旺季, 水仍較冷, 所以不是天天成團~ 食過酒店自助早餐後, 就搭巴士到Naoussa(€1.8/pax)~ 上午9:30跟領隊Alex和另外6位團友匯合, 然後Alex就車我地去附近Monastiri Beach, 一個水清沙幼的海灘~ Alex跟我們講解一些簡單的爬艇技巧和安全事項後, 就可以出發喺透明海水上泛舟~ 獨木舟是雙人款, 而提供的dry bag和救生衣都幾新淨, 配套不錯~ 是日路線輕鬆, 只是環一個小半島, 中途有三個大休點~ Alex會邊爬邊講解週邊歷史, 和談談附近的奇岩怪石和地貌怎樣形成~ 團隊先後在附近兩個同樣是水清沙幼的海灘停留, 食下Alex帶來的pastry和生果, 同時都有落水游番陣~ 咁清嘅海水唔游實在浪費, 但的確有點凍~ 水裡沒什麼生物, 最多是海草和海綿, 偶爾看到一兩條顏色欠奉的小魚~ 中午時份爬過內海灣, 一出外海頓時大浪起來, 但仍manage得到~ 沒多久就到一石灘泊艇, 並由Alex帶領下爬石跳崖, 跟我在四疊潭比實屬小兒科~ 之後步行到小山上的燈塔(Korakas Lighthouse), 望住絕美的海景、吹著清涼的海風picnic~ 遠方有艘漁船在作業, 後面有一大群上百隻海鷗跟隨其後, 狀甚嚇人~ 食完就再爬多一小段路就到終點, 總程其實不算長, 不過平時少爬艇所以手都有點痠~ 下午四時許就回到Parikia~ 是晚在海邊的Coralli Restaurant食晚餐, 人均消費約€13~ 點了烤魷魚, 都算新鮮大隻, 炭烤味重, 很香口~ 另外點了大蝦risotto, 共有五隻大蝦, 醬汁香濃, 都不錯~ Day 4 當天早上搭巴士(€1.8/pax)從Parikia到Pounta碼頭, 然後乘坐載人載車的渡輪往對岸小島Antiparos, 船程不到10分鐘, 單程票每人€1.3~ 一落碼頭就是Antiparos Town, 比Paros更為寧靜的小島, 不少荷里活明星也在島上擁有別墅~ 小街依然很有希臘風情, 也可順路一看Castle Of Antiparos~ 之後步行到美麗的Sifneikos beach, 在海灘坐了一會便打算去島上另一個特色景點Antiparos Cave~ 由於巴士班次疏落, 故打算租單車或quad bike前往~ 由於時間尚早, 並慘遭租車舖店員老點, 以為好快就踩到去, 所以選了租單車(€3 full day)~ 誰不知單程原來要踩一粒鐘, 但最攞命的是最後一段路需要上斜路到位於170m高的洞口, 一大條長命斜完全冇力踩, 最終要推車上山~ Antiparos Cave這個鐘乳石洞歷史悠久, 洞內的鐘乳石長度驚人, 估計有近4000萬年歷史, 而洞內亦刻有大量不同年代古人的簽名塗鴉, 遠至17世紀都有~ 由於洞穴附近都沒有餐廳, 所以參觀完又要踩返一粒鐘回Antiparos Town, 返到去已是下午三時多了, 隨便找間餐廳食烤肉捲餅~ 食飽就搭船回Paros~ 點擊圖片放大 是晚再到漁村Naoussa入住Lilly Residence-Boutique Suites~ 酒店全白色, 很有格調, 而員工亦非常有禮貌和友善, 惟獨個manager過於熱情和有點煩~ 此外, 是次入住被安排住在低層, 只望到少少海景, 而房間和露台亦比較細, 有點貨不對辦的感覺, 但個室內私人按摩浴池就不錯~ 黃昏時份就到Naoussa海傍看看日落, 以及參觀一下座落海邊的Venetian Castle~ 由於午餐遲食又食得飽, 晚餐只去了一甜品咖啡店吃一份繽紛樂crepe, 味道係甜左D, 但榛子味香濃, 而且香港食唔到呢隻味, 幾特別~