Day 7 早上8:30am起來食早餐~ 這餐比較豐富, 煎餅都有三款, 仲有煎蛋食, 不過落多左鹽, 都幾鹹下~ 平心而論, Riad Noujoum Medina其實裝修幾靚、房間大、有冷氣, 早餐又好, 所以唔計check in時的不快, 性價比都算高~ 原定在Fez參觀半天, 並搭4pm的CTM巴士到Chefchaouen(MAD$75), 但前一天收到情報話旺季很大機會買不到即日車票~ 所以早上9時許就跟另外兩名desert tour團友乘的士(MAD$20)到新城區的CTM terminal碰運氣, 結果真的沒位~ 如包一架的士去要MAD$800, 實在太貴了~ 所以就回舊城區的長途巴士站買local bus車票(MAD$40)往Ouezzane, 然後才轉的士到Chefchaouen~ Local bus於11:30am出車, 所以沒時間在Fez參觀, 無緣一看出名臭的皮革漂染工場, 影下那些色彩鮮艷的染缸~ Local bus沒冷氣, 侷促得很, 幸好行車後天窗都有風抽入, 稍為舒服一點~ 巴士行到半路開始放慢速度, 原來右前輪有點問題, 要停在一小村莊修理, 我們也下車抖抖氣~ 小村莊的人比較純樸, 見到我們四個黃皮膚又戴眼鏡的外地人甚是好奇~ 他們尤其對我感興趣, 因為我當日穿上巴塞polo tee, 而當地人很喜歡足球, 不少男孩都穿上老翻波衫~ 有兩個十多歲的o靚仔先後跟我握手, 並說些我聽唔明的阿拉伯話, 但感覺上他們都是友善的, 比城市的人好得多~ 車輪修了廿多分鐘總算可以繼續行走, 並於下午3時半左右到達Ouezzane~ 在巴士站旁隨即找到架的士, 跟兩個本地人拼車往Chefchaouen~ 的士司機非常老實, 近一小時的車程每人只收MAD$35, 應該沒怎麼抬價, 值得一讚~ 下午5點順利來到有點希臘風情的藍色山城Chefchaouen, 小屋依山而建, 大部份都髹上淺藍色, 別具特色~ 我們先到下榻的酒店Dar Zman check in, 然後就在舊城區閒逛~ 山城其實不算太大, 所以只行一小部份, 其餘留待翌日才探索~ 黃昏時份在廣場揀了間Tripadvisor排名較高的餐廳Aladdin, 內裡的裝修真的有阿拉丁風格, 但賣點卻是天台的雅座, 可望到大半個山城, 配合日落的景致, 看著華燈初上, 非常浪漫~ 食物方面都唔太貴, 點了個set(MAD$85), 三道菜分別有茄子沙律、chicken pastilla和朱古力醬crêpe~ Day 8 早上8:30am食早餐, 煎蛋下了很重橄欖味的橄欖油, 幾特別~ 然後就漫遊藍色山城, 山下的房屋多是餐廳和商店, 這裡的檔主比較收斂, 沒大城市般煩人, 樂得清靜~ 拾級而上, 就主要是民居, 所以也越見清靜~ 有些小巷掛上幾個顏色鮮艷的花盆, 襯托著藍色的牆壁, 別具風情~ 摩洛哥出名多貓, 旅途上都不時見到, 但Chefchaouen真的多上加多, 一條樓梯都可以坐左幾隻, 非常得意~ 山城高處是一條長城, 有些瞭望塔, 可遠眺附近景色~ 當日十分悠閒, 所以去埋郵局寄名信片, 寄一張回香港都要MAD$18郵費, 比想像中貴, 大概三星期左右先收到~ 中午在Café Buena Vista食pizza和意粉, 還點了杯牛油果汁, 加了糖和乳酪, 味道特別, 人均消費MAD$55~ 飯後就回酒店hea下, 然後就行上山城旁邊的一個小山, 上面有座Spanish Mosque, 並且可以盡覽整個山城, 拍全景一流~ 黃昏在這裡看日落都不錯, 不過睇完就早D走, 因為入黑後會有人在這裡兜售大麻, 人流複雜~ 山上非常大風, 捲起沙石會刮面, D風沙仲勁過沙漠~ 是晚有個desert tour reunion, 部份團友都齊集Chefchaouen, 所以大家都約出黎食餐晚飯~ 去左廣場其中一間叫Morisco的餐廳, 點了vegetable tagine(MAD$29)~ 這間餐廳上菜速度極慢, 正好俾多D時間我地吹水~ 點擊圖片放大 +2 Day 9 晨早6am就起身趕搭唯一一班開往卡薩布蘭卡的CTM巴士(MAD$80), 估唔到酒店竟安排專人早起整早餐俾我地食, 真係非常貼心~ 食完就步行20分鐘到長途巴士站~ 巴士準時於7am開出, 車上有冷氣, 坐位舒適, 比local bus好得多~ 中途分別於Ouezzane和首都拉巴特停站, 並準時於1pm抵達卡薩布蘭卡~ 巴士站鄰近火車站Casa Port和舊城區~ 我們先到位於舊城區的Central Hotel check in, 是一間很舊的酒店, 只不過住一晚, 所以冇所謂啦, 最緊要平~ 然後就到一間較多local人幫襯的小店食shawarma(MAD$20)~ 飯後就逛下舊城區, 再行25分鐘到市內地標哈桑二世清真寺(Hassan II Mosque)參觀~ 這間在海旁的清真寺建於1993年, 對開有一個大廣場, 規模宏大~ 清真寺的外觀華麗, 牆壁都有馬賽克圖案, 終於都見返間似樣D嘅清真寺~ 由於入場費較貴(MAD$120), 所以沒進去參觀~ 之後回酒店hea下, 晚餐都係食shawarma(MAD$42)~ Day 10 早上7am食過早餐, 然後就到火車站Casa Port搭火車到機場(MAD$43), 車程約45分鐘~ 往阿布扎比的航機於11:25am起飛, 並於阿聯酋時間10:20pm抵達, 航程約8小時~ 到埗後在機場入境大堂兌換當地貨幣Dirhams, 最少要兌USD$100, 仲要收2%佣金, 個價勁差, 但惟有硬食~ 本來打算搭機場巴士到市中心(AED$4), 點知巴士唔收現金, 而站頭唯一一部賣儲值卡的售賣機竟然壞左, 問過機場D人都話冇其他地方有卡賣, 只可以選擇搭的士(~AED$80)~ 剛巧機場有人兜搭乘白牌車, 每人只需AED$30, 比的士平少少, 所以最後就搭白牌車到市中心的Mercure Abu Dhabi Centre Hotel~ 到達酒店已經是凌晨1:30am~ Day 11 瞓到自然醒, 執埋行李近中午12點先check out, 並到酒店附近的越南餐廳Hanoi食碗粉, 都要AED$38, 唔平~ 阿布札比的氣溫比摩洛哥高, 中午時份又熱又曬, 好似焗桑拿咁, 所以街上的人都唔多~ 市中心都是高樓大廈, 還有不少shopping mall, 不過都沒興趣逛, 反而去左海邊的沙灘坐下~ 海水出奇地清, 所以友人都即興落水暢泳, 上水後行返幾個字D衫褲就乾晒, 好誇張~ 之後到巴士站買返張儲值卡, 然後搭巴士(AED$2)到Sheikh Zayed Grand Mosque參觀~ 呢間清真寺仲新, 建於2007年, 比哈桑二世清真寺還要大~ 入場是免費的, 但女士要戴頭巾, 而男士條褲都要過膝~ 清真寺是純白色, 中間有個廣場, 四邊有走廊和水道, 有點像泰姬陵~ 走廊天花都刻有阿拉伯文和雕花圖案~ 內部裝潢更奢華, 直情帶點浮誇, 雕花大圓頂、多盞巨型水晶吊燈、五彩玻璃窗, 仲要有埋冷氣, 完全是展示國力的清真寺~ 看罷就搭巴士到機場(AED$4), 路過昨晚壞左的售票機, 竟然修好了, 只好承認自己黑仔~ 在機場老麥食個McArabia Chicken餐(AED$23), 即雞肉漢堡捲餅, 味道不錯~ 之後乘搭9:55pm的航機回港, 正式結束旅程, 返到香港已是翌日10:15am了~ 點擊圖片放大