話說1月初嘟嘟妹去左曼谷~其實嘟嘟妹一直都係柯基控! 所以上網做左陣功課,發現曼谷有一間『Corgi in the garden』提供同柯基玩嘅Cafe✰ 呢一間CAFE位置比較偏遠,近泰國曼谷Wutthakas站~但大家千奇唔好諗住真係行路去, 因為個日嘟嘟妹就係為左慳錢所以以為泰國都可以根據google map行路過去~ 點知出哂事~因為泰國除左真係旅行景點之外其實好多地方都未完全開發⁑ 個日嘟嘟妹就落左BTS之後~係烈日當空下❂曬左個半鐘 途經農地~好似會比人打劫嘅村莊~勁臭嘅河邊同埋一大堆狗嘅小路~ 之後行一條完全係無得遮蔭嘅車路(食哂塵) 就黎缺水咁先行路到呢間CAFE!! ❊ ❋ ✻ ✼所以大家如果去呢間CAFE一定一定一定一定要搭的士/叫車去❊ ❋ ✻ 如果你想慳錢~你可以搭地鐵到最近嘅Wutthakas站,再轉的士入去~ 講番正題~雖然行到就死咁~但係都值得! 因為只係需要比250泰銖(約$62港元)~包一杯野飲就可以入場同小柯基玩足一個鐘! 其實呢間CAFE有柯基嘅周邊賣~所以當日嘟嘟妹除左叫左杯蜜桃茶~重加錢換隻柯基杯 ❢ 呢間野飲都唔錯~都唔會似平時泰國野飲咁咁死甜✸ 都係普通香港果然系蜜桃茶味HHAHA 不過入面嘅小短腿柯基緊係表情多多~ 點擊圖片放大 嘟嘟妹點評♥ 比起香港嘅動物CAFE~其他國家都動物CAFE真係做得比較好~因為個到嘅員工真係會好保障個到嘅動物安全同埋好明顯個到嘅小短腿同店員都有好好嘅關係✧但正正因為咁都係衍生另一個問題~就係個到嘅柯基唔算好親近人~多數都要你加錢買糧食比佢地先至會過黎~甚至會發癲咁衝哂過黎~一無野食就會唔願意同你一齊玩✗ 不過個到嘅店員都好識做~會抱柯基比您摸同埋教你點同佢地影相~所以個日嘟嘟妹都有同到好多柯基一齊影相♥ ❢❢不過要注意:無論大家有幾中意柯基都好~都要小心唔好強抱柯基同埋整親佢地❤一定要乖乖咁遵守指示~ ◉店鋪:Corgi in the Garden (คาเฟ่หมาคอร์กี้) ◉地址:338/1 Kallapaphruek Road Khwaeng Bang Wa, Phasicharoen Krung Thep Maha Nakhon 10160, Thailand ◉營業時間:星期二至五 12:30-18:00;星期六至日 10:30-18:00 (星期一休息) ◉電話:+66 62 865 6156 ◉前往方法: 乘搭 BTS Skytrain 到Wutthakas站2號出口後,轉乘的士約20分鐘 ◉官網(***一定要留意,因為每日會公怖可以探訪柯基嘅時段~Full左就會唔比入) 傳送門:https://www.facebook.com/corgiinthegarden/: