通常大家都曼谷都會去『Asiatique河濱夜市』到覓食同埋同個摩天輪影相相~ 嘟嘟妹去嘅時候係一月初去~4年前去呢個夜市嘅時候真係好多野食好多野賣~ 但唔知係咪有其他新型嘅夜市出現~呢個夜市開始失色左唔少! 同埋呢個夜市都完全唔近BTS站~如果自由行去嘅話最好都係搭的士或者叫車~ 雖然嘟嘟妹去呢個夜市去到谷鬼氣,但好好釆搵到間CP值好高同埋好靚嘅BAR CAFE到食野~我講緊嘅就係『Fire & Dine Bar n' Restaurant』~ 係咪睇到呢隻燒雞已經流哂口水呢❤❤❤!? 呢間餐廳裝飾好靚~本身嘟嘟妹係比佢門口嘅燒雞檔吸引過去先~ 個廚師會係室外到用炭燒掛住係鐵柱係小雞~真係香到爆炸,同埋大家都知泰國其實衛生程度都令人擔心,但嘟嘟妹眼見個廚師都係帶住口罩、帽同手套去正~食都會放心D! 呢間餐廳係有分室外或者室內嘅用餐範圍~所以可以按大家嘅意願去簡~兩個地方嘅裝潢都係好靚~有請草泥馬記者同我地現場直擊報導~ 食物水準同價錢都好唔錯~ ღ燒雞ღ :全隻:320 THB ;半隻: 200 THB 嘟嘟妹食評~: 呢款燒雞真係又香~皮又脆~圖中嘅份量係全隻版燒雞,如果你係兩個人食嘅話嘟嘟妹就建議叫半隻~再配上佢配嘅泰式酸酸辣辣嘅醬汁!真係好味到癲~ ღ炒金邊粉ღ 260 THB ;ღ燒Ribeyeღ 200 THB 嘟嘟妹食評✰:老實講嘟嘟妹係推介大家食呢間嘅金邊粉~係炒到條條分明又有火喉~配上花生同埋牙菜真係勁有口感~大家係香港都食過,有餐廳會炒到金邊粉痴埋一舊~但呢間真係完全唔會~ 至於個燒牛肉~嘟嘟妹覺得好有牛味同個泰式醬汁酸酸辣辣咁真係好開胃~但就嫌份量太少了~唔夠咁大食嘅嘟嘟妹食啊! 不過如果大家去開河濱夜市~又想去間CP值又有格調嘅餐廳~不仿可以試試佢! 店鋪:Fire & Dine Bar n' Restaurant 地址:2194 Charoen Krung Rd, Wat Phraya Krai, Bang Kho Laem, Bangkok 10120泰國 營業時間:1700-0000