嘟嘟妹Instagram: dodomei_travel 今年1月初嘟嘟妹去左曼谷玩5日4夜~作為一個咁中意影相同食野嘅嘟嘟妹♥ 緊係搵間又靚又CP值高嘅餐廳/CAFE一路打卡一路食野歎下世界~ 但嘟嘟妹要提醒大家✰✰✰ 暫時都係睇下嘟嘟妹嘅blog過下旅行癮~唔好冒險去泰國旅遊住!❤ 『泰國旅遊局宣布,因應新冠肺炎疫情,將採取入境措施限制,要求包括港人的部分地區入境旅客,抵泰後進行14日隔離。』 所以今次嘟嘟妹就想同大家推介呢間位於THong Lo站嘅『The Blooming Gallery』Cafe 呢間cafe完全唔近BTS站~大概由BTS車站行到呢間CAFE大概要15分鐘左右~ 大家都知泰國四季溫度都大概30度或以上,所以大熱天時係街到行15分鐘真係唔太建議!大家都係乖乖咁搭會跳標嘅的士去啦✪ 記得同司機講係『EIGHT THONGLOR』到落~因為呢間餐廳係係『EIGHT THONGLOR』B1層~姐係到左都要行一層樓梯落去嫁! 呢間CAFE係主打以鮮花為主嘅裝飾比人去打卡~入到去就見到一大堆花花~ 好似去左森林咁~嘟嘟妹如建議大家坐係鋪頭左手面嘅位,因為個到花花數量會多少少同埋光少少~咁就唔驚影完D相會太黑啦~ 除左用鮮花做裝飾~呢間CAFE重會用花花作為食物嘅擺設~味道同價錢(一碟菜嘅價格大概250THB至500THB左右)CP值都勁高!即刻去圖啦~ ღ『A path in the forest』:$380 THB ღ ➺嘟嘟妹食評 呢個係呢間店嘅招牌甜點~亦都係泰國曼谷而家最hit嘅甜品,係一個抹茶CHEESE CAKE,呢一個芝士蛋糕真係好驚喜,因為真係完全唔甜~抹茶粉好香濃~配上好綿滑嘅乳酪~同埋底部嘅海綿蛋糕同曲奇~多層嘅口感真係令嘟嘟妹抗拒唔到!如果你係好似嘟嘟妹咁係甜品控,就一定要試~ ღ吞拿魚水果沙津ღ : ➺嘟嘟妹食評 新鮮水果配上沙律菜,視覺上真係大飽眼福~同埋配上酸酸甜甜嘅醬汁~令到人勁開胃!至於個吞拿魚嘟嘟妹就覺得好重煙醺味~一口吞拿魚一口沙律~真係覺得好滿足~ ღ松露手工意粉ღ $260 THB ➺嘟嘟妹食評 呢個意粉係即叫即做~有勁香濃嘅松露味,意粉又好有咬口,同埋大家係相到都見到店主落芝士碎落得勁大方~岩哂松露迷嘅嘟嘟妹!不過嘟嘟妹就覺得呢碟一定要襯熱食,因為擺奈左就會出油~如果你係好似嘟嘟妹咁當晏就飯食就可以叫主食填飽個肚,不過若果你係想影相打卡食少少小食咁,就可以大家Share個cheese cake就可以了~ ღ柚子梳打ღ (因為太熱先叫哈哈) 不過呢間鋪頭真係CP值好高~而嘟嘟妹都真係影左好多靚相! 如果大家去開曼谷~就唔好錯過! ➪店鋪:The Blooming Gallery ➪營業時間:1000-2200 ➪地址:8 ทองหล่อ 88/1 Thong Lo 8 Alley, Khlong Tan Nuea, Watthana, Bangkok 10110泰國 ➪官網傳送門: https://www.thebloominggallery.com