嘟嘟妹開通左instagram:dodomei_travel 入面有詳細嘅旅遊資訊 其實2月初去完鹿兒島番黎之黎嘟嘟妹都一直係香港~因為而家世界各地都受到疫情所影響~所以大家都要保持身體健康,而係呢個無得去旅行嘅時間,嘟嘟妹決定加開香港覓食嘅遊記~盡量滿足各位大胃王haha! 今次嘟嘟妹就去左位於銅鑼灣嘅『Shari Shari Kakigori House 氷屋』,呢一間主打日本刨冰嘅鋪頭~每次去都見到好多人排隊!如果大家去到,記得一開始要係掛住門口嘅版到寫番自己個名~咁就當你排緊隊嫁啦,之後店員會逐個嗌你入去。 個日嘟嘟妹因為三個人一齊去,而呢一間鋪頭就有最低消費,所以嘟嘟妹就嗌左兩款冰~ ❤草莓蜜柑味 $98HKD 食評:佢呢個草莓醬真係有士多啤梨籽~可以食得出係用新鮮草莓打出黎~加上蜜柑又好甜~同埋最重要嘅係,呢個冰雖然好大個,好多人以為係只係得冰,但其實✷✷係內藏玄機!!!(想知入面有咩而令到呢粒冰唔係只係食到水?就自己親身去食下或者dm嘟嘟妹啦haha~ )而呢個咁神秘嘅食材係令到成個冰即刻升華左10倍~ ❤期間限定:焙茶朱古力冰 $98 食評:大家記得一入去呢間鋪頭,一定要望入近住廚房嘅『是日推介 』,入面會有一款食品係餐牌上係無~而呢一粒焙茶朱古力冰就係當日嘟嘟妹去嘅時候嘅『是日推介 』,焙茶味牛奶味好香濃好細滑,上面個層cream係有驚喜,個D粒粒原來係類似爆炸糖嘅脆脆♕ 而朱古力醬係唔會偏甜同埋無諗過佢同焙茶係咁perfect match~冰嘅入面都係有個神秘嘅食材~係同岩岩嘅士多啤梨蜜柑冰唔同嫁~想知係咩就去親身試下或者dm嘟嘟妹問啦~ 店鋪:Shari Shari Kakigori House 氷屋 營業時間:1300-2230 (2200 last order)♣ 位置:港鐵銅鑼灣站 F1 出口步行約7分鐘:銅鑼灣希雲街14號地舖