嘟嘟妹instagram開通左啦:dodomei_travel 個日嘟嘟妹同朋友出左旺角食飯~搵左間好有格局同人情味嘅小店~ 專門係賣家常料理~如果大家自己一個人住又想飲下湯水同埋食夜晚飯,就可以黎呢間『日常料理』到食啦~ ❦ 熱辣辣椰子花膠雞湯 :$88 嘟嘟妹食評:呢碗花膠雞湯(二人份)真係有濃濃嘅屋企味~同埋真係有雞肉同花膠係入面,都足料嫁!同埋大家都見到呢碗湯唔算太油~所以岩哂平時因為太忙而番唔到屋企嘅人士! ❦鰻魚炒飯 $98 嘟嘟妹食評:大家都見到店主好大方咁比勁多蟹子~同埋都呢個炒飯嘅醬汁都唔算~甜甜地!但如果店主比鰻魚嘅份量係同蟹子嘅份量咁大方就好了~咁細舊鰻魚唔夠分❁ 個人黎講覺得呢間主菜嘅水準都係普普通通~但如果想食小食傾計就係一個唔錯嘅選擇!呢間嘅蟹肉薯餅同炸餃子價錢唔錯之餘!重係即叫即炸♡ 嘟嘟妹提提大家食炸物之前一定要吹下先食~如果唔係就會辣親 ~ ⍢店鋪:日常料理 ⍢地址:旺角彌敦道575號Ladder Dundas5樓 ⍢營業時間:1300-1500(lunch time) + 1745-2300 (dinner time)