在遙遠的紐約,蘋果日報的apps彈出一句「叱咤我最喜愛的男歌手-吳業坤」。 其實我反而覺得毫不驚訝,因為反正香港娛樂新聞喜歡炒作,就正如大家愈不喜歡GEM,娛樂新聞就總要日日講GEM,愈不喜歡陳淨心,徧徧要每日都講下佢d微博文,反正本來唔寫,呢d人就不會在香港有話,不是嗎? 佢地hit起,傳媒應記一功。 坤哥今年能夠拿我最喜愛的男歌手,固然是因為「原來他不夠愛我」傳播度極高,傳統K歌慘情歌麻,極岩香港人口味,而且今年香港就好像沒什麼受歡迎的歌了。 不過,坤哥可以拎到一眾歌手夢寐以求的最喜愛男歌手獎,除了眼鏡起霧make noise以外,少不了因為坤哥的背景。 屋村仔。 跟很多八九十後一樣,坤哥是屋村仔出生,我也是。那個年代可以住屋村,絕不是因為你是單非雙非,是因為夠窮。窮得起就可以住屋村,所以很多像我們的港孩, 根本沒有很多機會去玩去學,別說是夢想,屋村仔連理想都難以達成。不過,為了貼近理想,不少屋村仔也會力爭上游,希望在競爭激烈的社會中佔一席位。 但係現在香港這崎型社會,已經大不如前,不是說你力爭上游,就會有出頭天,懷才不遇、不公平的事總是每天發生。還記得自己做菇以前做過幾份長工,工作範疇 主要是籌備品牌活動,籌備活動當然少不了要搵工作人員,由於要節省成本,我就得自己去搵大學師弟妹頂上,可是那一份人工,連我自己都不好意思說出來,一句 「請佢地黎係俾佢地學野嫁麻」就用極廉價工資請他們做工作人員,事問在一個McDonald餐都賣差不多40蚊、物價高漲的社會,現在年輕人的工資真係追 得上通漲嗎? 坤哥的故事,就係一個社會低下階層奮鬥上游的故事。故事的主角得到了一眾年青人的認同。很多「老野」話八九十後唔捱得,其實正正係呢班「老野」帶頭欺壓我 地。自問自己好願意去捱,不過跟某老總飛過,很認同佢講過既一句說話,「以前係香港,只要肯捱,就會有出頭既一日,買得起樓;依家係香港,就算你肯捱,可 能你仲係做死一世奴才,連樓都租唔起,貧者越貧,富者越富。」 不過即使咁,我身邊的8090後很認命,因為我地就係出生係呢個荒謬的世代,所以我地更加自強,更講創意,正正創意才能夠養活我地呢代人,總好過早一代個 班「食古不化」,自以為是既人。更轉變既係,有唔少既年輕人更打兩份工作,務求有更多收入係呢個社會上生存。就好像許廷鏗雖然是明星,依然做牙醫賺錢;而 且以我所知不少菇菇都有Freelance,否則我地個份人工,真係完全生存唔到。 坤哥既故事,其實係喚起了我地呢代人既鬥志。 香港人,還有那份我們獨有的拼搏精神。 多謝坤哥給我們的夢。 CONTACT DETAILS Drew's Email: drewhypercode@gmail.com Drew's Instagram: http://instagram.com/drew.fa Drew's Facebook: https://www.facebook.com/yip.drew Drew's Blogspot: http://cabincrewdrew.blogspot.hk/ Drew's BeautyExchange: http://www.beautyexchange.com.hk/blog/Drew.FA Drew's UBlog: https://blog.ulifestyle.com.hk/blogger/drew/ INSTAGRAM : DREW.FA FACEBOOK : 空少安德魯旅途記