闖蕩世界小特輯(1)-泰國 My Travel Stories Around the World(1)-Thailand Hello! 好耐冇見! 最近都算去咗唔少地方,同時亦都好忙,就一不小心將呢度荒廢咗少少,但未摺埋嘅! 好快又好可能有段頗得閒嘅時間可以update吓post喇。其實最大問題係廢青我仲未學識電腦打中文,要用電話打速度好慢。。。(轉tone)還有台灣跟世界各地的華人朋友不好意思啊,我會繼續用很香港的廣東話寫啊! 這樣會更讓我寫得像平常自己說話一樣,也當推廣香港廣東話吧! 有不明白的歡迎發問啊! 最近諗不如做個小特輯,每個我去過嘅國家post兩張相,分享吓響呢個國家(嗱五毛咪檢舉我政治不正確,or say terriory issuing its own passport)嘅回憶同旅行故事,咁大家又可以知我去過邊可以PM問, 因為而家可以寫但未寫嘅長post由香港排到去台灣lol Random elephant farm, Thailand 某象園 第一個post講泰國,係因為我第一次坐飛機去旅行就係去泰國(應該係),騎象嘅相就係嗰個trip影㗎喇,所以都有d紀念價值,唔知而家仲有冇呢d咁唔人道嘅活動? 不過嗰時係standard嘢,exactly響邊已經無從稽考,嗰次係跟團(經典曼谷芭提雅)嘅,應該就係某個一條龍"自費活動"點。成日有人話帶乜細路去旅行吖去完都唔記得喇! 錯!!! 我身為一個小(一)學雞,我記得,我真係記得! 芭堤雅快艇好刺激,酒店泳池個鱷魚瀡滑梯好好玩,等大人揼骨又悶又眼訓跟著訓着咗,我真係記得有好多開心嘅片段! Royal Chitralada Palace, Bangkok, Thailand 曼谷大皇宮 N咁多年後再去曼谷,係我帶屋企人去。泰國尤其係曼谷近年發展得好快,已經好唔同喇! 但仍然引人入勝嘅地方係文化好獨特,建築尤其係皇家建築好有特色。而且雖然我唔食辣,但嘢食真係好好食,係個好地方。 行程: 超簡單曼谷地鐵沿線5天懶人包[買SIM唱錢食買玩1 take過!] 追夢‧闖蕩‧看世界 https://www.facebook.com/DreamsAroundWorld https://blog.ulifestyle.com.hk/blogger/dreamsaroundworld/ IG: #dreamsaroundworld