#Reykjavík, Iceland #17/06/2013 今日去好出名既Blue Lagoon Spa,係個地熱温泉,有超高濃度礦物質,令泉水呈淺藍色。據說泉水對皮膚非常好,甚至有治療功效。 響冰島既盛夏要響室內暖氣怒奔出户外已經要好大勇氣,真係唔知d人冬天係點跑出去。d水其實唔多熱,得30尾度,再暖d就好喇。嗰度有天然既silica mud任撻,梗係唔好sai撻勻全身喇。d水都應該既堅,加上沖左幾日温泉水涼,d皮膚好似真係滑咗。重點係d水太高礦物質,d頭髮洗極都結咗幾日,好似查好多髮泥洗唔甩咁。 返去再去bonus超市,因為已經斷糧。唔記得介紹,必食冰島品牌Skyr既yougurt,有好多隻味,好好食,我地呢幾日係上哂癮。 今日個市區係想像唔到咁多人,原來我地咁都撞啱冰島國慶呀!好多人出黎慶祝超熱鬧,好好彩呀,參加異地既節日真係好好既經歷呢。 點擊圖片放大 +10 返去煮飯執行李,俾左少少野同件厚褸C同H幫我拎,真係love u gals so much唔係講笑,因為我要正式展開我一個人既旅程喇!其實alone唔一定係lonely㗎! 一個人旅行多好多時間可以俾自己感受最多,亦都可以有最up to myself既旅程。 差唔多就落樓等車上機場。其實有d緊張,第一次去歐洲就自己一個,不過我信我做到!去機場架車得我一個,應該比較少人會搭呢班機,俾人車左去巴士總站轉大巴。 呢㗎凌晨機唔知點解奇異地凍。坐窗口位道牆好似雪櫃咁,完全訓唔到,好迷好辛苦。 註:冰島可能因為破過產,物價冇想像中咁貴。bonus超市買野煮飯,只要買d當地唔算太少既食物(你要買榴槤的話真係幫你唔到),係唔會貴得過city super,食快餐式既餐廳都未必會貴得過中環。所以省d洗煮飯整早餐packed lunch既話唔係真係要好多錢 **多謝大家嘅支持!Follow我嘅blog, Like埋我嘅fb page呀! 追夢‧闖蕩‧看世界 https://www.facebook.com/DreamsAroundWorld https://blog.ulifestyle.com.hk/blogger/dreamsaroundworld/**