#Vatnajökull, Iceland #Vík í Mýrdal, Iceland #16/06/2013 今日去Glacier Lagoon day tour,要坐單程大約五個鐘車,上車全部人一齊昏迷。途中見到兩條好近既冰川。訓到迷下迷下司機叫醒我地睇野,發夢都夢唔到咁,真係極級靚呀!much more than expected。嗰度係Vatnajökull National Park 瓦特納冰川國家公園既 Jökulsárlón 冰河湖,係一條叫Breiðamerkurjökull既冰川既入海口。個湖佈滿都幾大坐既浮冰,我係咪去咗北極呀?真係極地自然奇觀呀。雖然Reykjavík係世界最近北極既首都,但冰島本島其實係未入北極圈既。 我地坐水陸兩用車/船出個湖近距離睇浮冰,真係好震撼,冇諗過人生有機會睇到d咁靚既景色。個靚女講解員仲執左舊碎冰俾我地摸下,仲扑碎佢俾我地試下食添。除左浮冰,好彩仲會見到海豹,海洋公園就見得多,野生你又見過未? 個湖淨係夏天先去到,冬天就會結冰㗎喇。個湖其實係冰川溶化而形成,近年擴大既速度非常快,即係條冰川越溶越多。global warming真係已經嚴重影響地球,大家真係要好好保護環境喇。 點擊圖片放大 +9 上岸響湖邊野餐,食飽又上返車去Vík í Mýrdal既黑色沙灘。呢個曾經被選為世界十大靚既沙灘同平時見開熱帶亞熱帶既沙灘好唔同,冇嗰種夏日陽光let's party既感覺,反而係有種寧靜和諧、洗滌心靈既力量。 沙灘隔離條小村好童話,仲有好多紫色既花。黎Vík一定要試下呢度農場自家製既雪糕,便利店都買到,淨係呢度先有㗎咋。超濃奶味,仲有唔少味揀!對面農場仲有冰島獨有既冰島馬。 點擊圖片放大 +6 點擊圖片放大 跟著再去兩個好近既瀑布Skógafoss同 Seljalandsfoss。 Seljalandsfoss係可以行去個瀑布d水後面,唔通就係水簾洞?!幾得意,不過好濕,好似玩完滑浪飛船。想冇咁濕就要逃跑,但d碎石地又好濕滑,唔想濕就要冒住毀容既危險跑。 點擊圖片放大 +2 **多謝大家嘅支持!Follow我嘅blog, Like埋我嘅fb page呀! 追夢‧闖蕩‧看世界 https://www.facebook.com/DreamsAroundWorld https://blog.ulifestyle.com.hk/blogger/dreamsaroundworld/**