4/2017 #UK 近來好唔得閒出post其實係因為去咗英國,呢排春天來了! 好多人旅行都係英國=倫敦=電話亭=御林軍,其實大部份英國地方都係鄉郊,飛機一到係望到冇盡既田。 郊外既風景(or市區既公園)非常靚,好多花,周圍都有水仙,有好多滿開既真.櫻花,同貌似櫻花既花,仲有油菜花田都差唔多變花海! 唔少得仲有係羊咩咩bb出世既季節! 英國既油菜花田真係一地都係,差唔多稍為郊區既地方都有。呢排油菜花開始開花喇,而且4月到可能7月都仲會有! 遠睇已經漫山黃海,絕對可以話震撼過北海道薰衣草! 至於你問邊度有花田,我真係敢答你英格蘭差唔多有田既地方就有油菜花! 而絕大部分既油菜花都係真.農作物,所以並冇乜嘢觀光花田買飛入場既玩意。硬要推介正常遊客會去既地方既話,倫敦去Oxford會經過英國著名既花園地區Cotswold, 通常都會睇到油菜花田,好天仲好可能有羊咩咩,羊baby, 黑白乳牛etc. 其他離開市區既火車一樣有可能睇到! 市區睇花(冇田即係冇油菜花)就可以去出名既hype park, st james park, 公共公園免費入場. 如果你真係自駕遊或者住鄉郊地方有機會想落田chok相,要記住人地塊田係私人地方,最好問咗人先入去呀! 當然實際上鄉下地方唔係隨時都有人,亦都有d田係有public path(會有牌寫住)響旁邊,甚至穿過d田,但影相都係響田邊好喇,千祈唔好破壞到人地辛辛苦苦種既嘢呀! 仲有如果短途機去英國都可以試下book窗口位,可能會睇到黃色花海! 點擊圖片放大 +13 追夢‧闖蕩‧看世界 https://www.facebook.com/DreamsAroundWorld https://blog.ulifestyle.com.hk/blogger/dreamsaroundworld/