4/12/2016 #Chester, UK Happy New Year! 呢排真係好忙荒廢咗呢度添! 未過冇打算過摺㗎! 哈哈! 相信國泰開咗Manchester線又得閒做吓優惠,而且去過倫敦既人越黎越多,一定會多咗人去 Manchester Liverpool嗰頭。呢兩個city其實好近,火車大多唔使1粒鐘,早幾日買定advance飛低至3鎊單程,同倫敦搭程tude差唔多價,酒店都可以唔使搬。 今次就介紹下嗰頭既唔算太熱門既小鎮,係Liverpool附近既Chester,呢個已經有差唔多2千年歷史! 保留得超完整,但主要都係本地遊客多,唔算太商業化。d建築同景都非常靚,影相一流! Cheshire Oak Outlet我諗大部份人都會search到話去,而Chester就係附近既一個仙氣古城。建議同outlet加埋一日遊,如果你唔係究極chok相怪或者究極shopping怪時間應該係夠使既,而且交通方面好掋玩,呢個陣間講。 Chester大概分3個area,古城大街,河邊,城堡(我冇去城堡呀,又城堡!),另有古羅馬遺蹟加城牆,基本上都係walking distance 大家都係想睇相多個睇字,直接圖解! 古城大街區(地圖紫色) 一條大直路,影相仲附送shopping! 鐘樓(Eastgate clock)係必去,超靚! 而且係唔使錢可以行上去條橋,連個鐘樓底都可以睇埋! 點擊圖片放大 亦都要留意古舊舖頭,絕對有驚喜 教堂Chester Cathedral Guildhall Chester Town Hall + Christmas Market Chester Market,真係本地街市,唔係景點。其實我有舖market癮,覺得好睇到本地人真正既生活。但去到等巴士先發現冇時間入 河邊區 悠閒寧靜既好地方, 古董鐵橋River Dee Bridge 點擊圖片放大 +3 古羅馬遺蹟加城牆 城牆本身就冇乜特別既,不過可以企高d睇下景又唔錯,而且可以連接河邊同大街,所以都可以行一段。古羅馬遺蹟就...順便經過下喇... Chester Roman Amphitheatre Chester Roman Garden 城堡 細城堡咪又係咁(我估),又要行遠少少,所以都係唔去,節省時間去outlet 交通 Liverpool市中心Sir Thomas Street (Stop SD)坐1 or X8巴士。兩架都係會經outlet再去Chester, Day pass只係4鎊兩架車都用得。1號係慢車,大概1hr 42min到Chester,班次比較密,停Chester Bus exchange. X8係快車,大概1hr 9min到Chester,班次比較疏,停Chester Love Street(Stop E)(Love Street同Bus Exchange係城東同城西)。如果serach google map會叫你搭merseyrail但除咗唔掋之餘仲要轉返呢兩架巴士(即係再俾錢),仲要煩轉車 重點:嗰區巴士(stagecoach)day pass,,以上講既全包都只係4鎊,唔知點解可以咁平! 第一次上車同司機講要daypass就ok 只供參考, 請自行睇updated timetable https://www.stagecoachbus.com/timetables 建議路線 我嗰日搭X8直去Chester(Love Street落車,先行河邊,再路過古羅馬遺蹟上城牆直接行到鐘樓(都係城牆一部份),跟著落地行Eastgate Street(大街), 差唔多時間就去Bus Exchange搭1號巴士去outlet (around 30min)(比較密又唔使行返轉頭,路程差唔多一樣時間), 跟著行到收檔/冇力/冇錢就睇時間搭X8走 附近其他啱帶細路/一家大細景點(要再坐車) Chester Zoo (bus day pass可到) The ice cream farm (bus day pass唔到) (有好多唔同味既雪糕食,小型樂園) 追夢‧闖蕩‧看世界 https://www.facebook.com/DreamsAroundWorld https://blog.ulifestyle.com.hk/blogger/dreamsaroundworld/