俾Juno唱完雷克雅未克近年好似多咗人去冰島。 機票 冰島絕大部份去幾日既人都係飛冰島首都Reykjavik(傳說中既雷克雅未克) (Keflavik Intl Airport KEF)直航得歐洲, 北歐 同北美, 香港冇 買機票主要分兩種 方法 1. 大型航空公司(eg 英航, 德航), 連埋往返香港既機買muti-destination 2. 香港去歐洲 同 歐洲去冰島 分開買 通常建議係用2。香港九里咁遠去到歐洲正常都唔止去冰島, 2係通常平ok多, 因為可以買廉航, 早買唔peak既時間來回正常千零蚊港紙, 仲可以open jaw. 如果去英國又去其他歐洲國家, 中間冰島又省程歐洲之星, 鍾意九唔搭八巴塞入布拉格出都得。甚至有人再去埋格陵蘭。 勁方便, 點行都避到回頭路。 Airline有好多間, 懶睇哂既出主要可以睇Icelandair, Wow Air, Easyjet, 地點較多, 又比較靚價 點擊圖片放大 當地食住行 冰島基本上一係自駕遊, 一係join tour, 公共交通就比較難。 如果唔自駕, 建議你最好出發前bk定day tour同住既地方 我之前住嗰度叫Welcome Apartment, 都唔錯, 可以睇睇。 但其實只要bk市內都可以, 附近有Bonus超市(黄色底色粉紅豬logo既掋買超市)就更方便。除咗出街食去bonus買野煮係省好多, 焗又得冰島羊脾, 懶d買一盆連錫紙盆既ready to eat意粉焗返熱又得得咗。就算夜晚出街食, 你都係要去超市買packed lunch. 總之, 粉紅豬幫到你(我冇收佢錢㗎, 俾佢就有既) Local tour方面最多人bk既係reykjavik excursions, 可以話係大台, 但係我地搵到間叫bustravel iceland既 www.bustravel.is/ 我地格咗好多價發覺呢間特別平,可能冇咩廣告,但質素都唔錯呀。 我地book嘅係"Special Offer(Return airport transfer+ Return Blue Lagoon transfer + 1 day Grand Golden Circle) + "1 day Glacier Lagoon" + "0.5 day Whale Watching" ,一共ISK39500 = HKD2692.57 (當時package同價錢)。機場接送同每日tour都係會去到你住既地方(市內)門口接你, 非常方便唔使行唔使用腦。睇到極光既季節仲有極光tour, 而且睇唔到免費再去過, 都幾好。 由於有d package(例如我果個)係包機場接送, 所以出發前訂定先比較好。去冰島比想像中簡單, 訂機票酒店day tour再留一兩日行市內, 咁就搞掂唔多使plan. 唱錢 帶歐羅/英鎊/美金去當地唱, 通常d人響機場唱, 但機場唱冇咁掋呢個定律度度都係, 可以去市區銀行唱。其實更加有d人唔唱錢周圍碌咭, 冰島基本上買支水都有得碌, 有傳說話掋過唱錢, 可能張張咭唔同喇, 有d又海外簽帳又唔知點回贈乜乜乜。不過當年我呢d窮學生都係使錢有安全感d 追夢‧闖蕩‧看世界 https://www.facebook.com/DreamsAroundWorld https://blog.ulifestyle.com.hk/blogger/dreamsaroundworld/