8/11/2014 #Incheon, Gyeonggi-do 去咗17日韓國, 終於黎到尾聲, 凌晨響街邊超凍等機場巴士, 買得太多野食仲要pack多個箱仔。 退稅嗰方面呢排有新安排, 細額可以用自動退稅機, 由於我有d耐之前去, 詳情就唔介紹喇, 不過提提大家預多d時間。 如果好多人排隊可以睇下有冇另一面counter. 因為近你check in嗰邊都近哂其他人, 多人既機會都大好多。 機場就梗係要早去既, 除咗退稅仲有乜好搞? 仁川機場有幾個Traditional Culture Center介紹韓國傳統文化, 其中一個有免費韓服體驗! 而家市區有好多地方都要收錢喇, 仲好多人等好耐, 要佔用唔少觀光時間。響機場禁區就perfect池喇! 搭親飛機點都要響禁區hea, 如果唔係禁區消費咁貴真係冇乜好做。 有得影韓服相既center響122登機閘附近, 係比較遠要坐無人列車去。 我係坐香港航空, 咁啱都係嗰邊上就啱哂。如果你登機口唔係嗰頭(Gate101-132)唔使坐無人列車, 千。其。 唔。 好。 千。萬。不。要。專登搭無人車去! 因為係冇回頭車㗎! 如果你唔係嗰邊, 唯有去24或者40號閘既center做下手工睇下表演喇。 入到去工作人員會睇你boarding pass, 要夠時間先會俾你玩㗎。我去既時候係完全得我一個人, 服務好好, 靚女好有心機介紹邊套衫係咩身份, 啱唔啱你着, 仲會幫手着埋添。呢度d衫比起其他景點都算幾高質, 雖然唔算好多款但好新淨, 最好係配飾勁齊, 係唯一一度有娘娘頭帶。 你想影得靚最好之前紥定個頭化定個妝。 揀咗冇影過既娘娘頭呢影, 雖然娘娘裝會顯老, 但都算係經典吖。影完一輪竟然都仲冇人, 靚女俾我影多套衫! 真係太好喇! 點擊圖片放大 +4 終於寫完韓國之旅行程喇! 放心我仲有曼谷台北! 首爾非一般食玩試推介 https://blog.ulifestyle.com.hk/blogger/dreamsaroundworld/2015/01/%E9%A6%96%E7%88%BE%E9%9D%9E%E4%B8%80%E8%88%AC%E9%A3%9F%E7%8E%A9%E8%A9%A6%E6%8E%A8%E4%BB%8B/ 追夢‧闖蕩‧看世界 https://www.facebook.com/DreamsAroundWorld https://blog.ulifestyle.com.hk/blogger/dreamsaroundworld/