發現自己同身邊唔少朋友都有拖延嘅習慣,而每個人都有佢拖延嘅原因。經驗話我知,好多時事情愈拖得耐,就愈冇動力去做。而往往將事情拖到最後一刻先做,通常都會因為時間嘅限制而覺得有壓力。你係唔係都會經常出現以下嘅想法呢? 未到deadline,唔急嘅,遲啲先做啦 冇動力,唔想做住 無從入手,要再研究下先 好攰呀,聽日先啦 覺得拖下拖下對方就會冇咗件事,可以唔洗做 有其他因素令你唔可以做某件事,例如: 金錢、人、環境、資訊唔充足 事情太瑣碎,想group埋一齊先做 因為拖延症,我會嬲自己好似成日得把口話想做,但就永遠唔會有進展,有時諗返轉頭,真係覺得晒咗好多時間。所以,要告別拖延症,就要「對症下藥」,認清自己拖延嘅原因。 Instagram:miki.dreamland Facebook: miki's dreamland