不得了啦,搵左廿幾年,作為牛奶浴控嘅我,終於搵到一枝超濃牛奶味嘅沐浴乳啦!!!! 細細個媽咪就成日買Johnson's Baby嘅牛奶沐浴露,因為佢覺得嬰幼兒都用得,用料會比較天然,但係其實我次次用完個身都會覺得好痕,仲會有泛紅嘅情況,要隔一陣先會降到紅。有時屋企都會買dove嘅牛奶沐浴露,我地全家都覺得dove嘅沐浴露係幾滑嘅,但我就覺得佢啲牛奶味唔夠濃郁。直到最近有一次去離島兩日一夜,我就拎咗擺咗喺屋企好耐嘅彩豐行北海道牛奶嫩白沐浴乳試用裝試下啦,點知真係百年難得一遇,我一試就超鐘意佢啦!!搽咗上身之後,佢已經開始散發香濃嘅牛奶味,又起到好多泡泡,用完肌膚都唔會乾澀,清潔效果令我好滿意。而且沖完涼,成個浴室都仲會彌漫住陣陣牛奶味,好有放鬆嘅感覺。上網睇返,原來佢用料都好天然,只係用咗北海道3.6牛乳、蔗糖同蜂蜜。網上說明話北海道3.6牛乳可以美白同增強肌膚彈性﹔而蜂蜜精華亦可以為肌膚注入滋潤成分。 嗰次一試之後,我隔幾日就即刻去彩豐行入貨啦!一枝沐浴露$39.5/500ml,我覺得都係幾大眾化嘅價錢,所以我諗之後都會keep住回購。 Instagram:miki.dreamland Facebook: miki's dreamland